ՆԱՍՐԱԼԼԱ. «ՍՈՒՐԻՈՅ ԻՍԿԱԿԱՆ ՅԱՂԹԱՆԱԿԸ ՍՈՒՐԻԱՑԻՆԵՐԸ ԿԵՐՏԵՑԻՆ»

0

Երկուշաբթի, 14 Մայիս 2018-ին, Հըզպալայի ընդհանուր քարտուղար սեյիտ Հասան Նասրալա պատկերասփռուած Ճարով շեշտեց, որ Սուրիոյ իսկական յաղթանակը նախ եւ առաջ Սուրիոյ ժողովուրդը կերտեց, իսկ դաշնակիցները այս հզօր յաղթանակին մաս կազմելու պատիւը ունեցան: Նասրալլա աւելցուց. «Պահանջուածը Սուրիան արեան եւ պատերազմի դաշտի վերածելն էր, սակայն սուրիական բանակն ու անոր դաշնակիցները ձախողութեան մատնեցին Սուրիան քայքայելու շարունակական փորձերը:

Այսօր, սուրիական բանակը մայրաքաղաք Դամասկոսը ահաբեկիչներէ ամբողջովին ազատագրելու սեմին է»: Անդրադառնալով Սուրիոյ դէմ Իսրայէլի յարձակումներուն Նասրալլա շեշտեց, որ այսուհետեւ Իսրայէլ չի կրնար իր թշնամական քաղաքականութիւնը շարունակել Սուրիոյ նկատմամբ, որովհետեւ այդ պարագային յարմարագոյն պատասխանը պիտի ստանայ: Պաղեստինի վերջին դէպքերուն անդրադառնալով Նասրալլա ըսաւ, որ այն ինչ որ կը պատահի այնտեղ 70 տարի առաջ տեղի ունեցած կոտորածին շարունակութիւնն է, որ իրականութեան մէջ ամօթի խարան մըն է միջազգային ընտանիքին ճակտին՝ աւելցնելով որ ԱՄՆ-ի նախագահ Տանըլտ Թրամփի «Դարու Համաձայնութին» կոչեցեալը իրականութեան մէջ Երուսաղէմէն հրաժարիլ եւ պաղեստինեան փոքր պետութեամբ մը բաւարարուիլ կը նշանակէ, մայրաքաղաք ունենալով Կազան:

Share.

Leave A Reply

This site uses Akismet to reduce spam. Learn how your comment data is processed.