ՍՈՒՐԻԱ ԽՍՏԻՒ ԿԸ ԴԱՏԱՊԱՐՏԷ ԻՍՐԱՅԷԼԻ ՊԱՂԵՍՏԻՆԻ ԱՆԶԷՆ ԺՈՂՈՎՈՒՐԴԸ ՋԱՐԴԻ ԵՆԹԱՐԿԵԼԸ

0

Երեքշաբթի, 15 Մայիս 2018-ին,Սուրիա խստիւ դատապարտեց Պաղեստինի ժողովուրդին դէմ Իսրայէլի ի գործ դրած վայրագ ջարդը՝ հաստատելով Սուրիոյ ամբողջական աջակցութիւնը պաղեստինեան դատին եւ զօկացութիւնը Պաղեստինի ժողովուրդին: Սուրիոյ Արտաքին Գործոց Նախարարութեան բանբերը ՍԱՆԱ-ին յայտնեց. « Սուրիա խստիւ կը դատապարտէ Պաղեստինի ժողովուրդին դէմ Իսրայէլի ի գործ դրած ջարդը: Այն ժողովուրդին, որ իր օրինաւոր իրաւունքը կ՛օգտագործէ յանուն իր հայրենիքին՝ Պաղեստինի ազատութեան եւ անկախութեան, վերադառնալ կարենալու իր ազատագրուած երկիրը, մայրաքաղաք ունենալով Երուսաղէմը»:

«Պաղեստինցիներու բողոքի հաւաքին ընթացքին, Իսրայէլի աւելի քան 50 պաղեստինցի սպանելը եւ աւելի քան 2000 վիրաւորները անգամ մը եւս կը փաստեն իսրայէլեան իշխանութիւններուն անմարդկայնութիւնն ու միջազգային օրէնքներուն անտեսումը, հակառակ ՄԱԿ-ի Անվտանգութեան Խորհուրդին գոյացուցած հարիւրաւոր որոշումներուն, ըստ որոնց Իսրայէլ պէտք է դուրս գար պաղեստինեան եւ արաբական հողերէն»:

Share.

Leave A Reply