ԴԱՇՆԱԿՑԱԿԱՆ ՆԱԽԱՐԱՐՆԵՐԸ ԾԱՆՕԹ ԵՆ ՈԼՈՐՏՆԵՐՈՒ ՀԱՐՑԵՐՈՒՆ

0

Երէկ, կառավարութԵան նիստէն ետք, լրագրողներու հետ զրոյցի ընթացքին, դաշնակցական նախարարները յայտնեցին, որ արդէն ծանօթացած են իրենց ոլորտի հարցերուն:

Այսպէս` տնտեսական զարգացման և ներդրումներու նախարար Արծուիկ Մինասեանը ըսաւ, որ ոլորտին մէջ ահագին փոփոխութիւններ կատարուած են, սակայն յառաջիկային աւելի համալիր ծրագիրով հանդէս պիտի գայ ու ամփոփէ ծրագիրը, տնտեսական ցուցանիշները: Ըստ Մինասեանի, սպառնալիք պարունակող ցուցանիշներ չկան, մանաւանդ, որ մեծ թիւով ներդրումներ կատարելու փափաք ունեցող մարդիկ կան:

Գիւղատնտեսութեան նախարար Արթուր Խաչատրեան յայտնեց, որ արդէն տեղեակ է ոլորտի հարցերուն, անոնք կապուած են պահեստաւորումի, կարկտահարութեան վնասներու կանխարգիլման, կաթի մթերումի գիներուն հետ: Ան վնասներու կանխարգիլումը աւելի կարեւոր համարած է, քան անոնց փոխհատուցումը:

Ինչ կը վերաբերի գիւղատնտեսական վարկերուն տոյժ-տուգանքներու համաներման, նախարարը ըսաւ. «Մենք, անշուշտ, շահագրգռուած ենք, որ մարդիկ այդ պարտքերէն ազատին ու նոր վարկեր վերցնեն, ինչ որ կը նպաստէ ոլորտի զարգացումին»:

Նախարարը դիտել տուաւ, որ գիւղատնտեսութեան ոլորտի գիտակները պէտք է լրջօրէն ուսումնասիրեն ոլորտը, որպէսզի ազատին խորհրդային գիւղատնտեսութեան հետքերէն, երբ ըստ ծրագրի որևէ գիւղամթերք կ՚արտադրուէր: Անոր փոխարէն պէտք է լուրջ ուսումնասիրութիւններ ըլլան` հասկանալու, թէ որ մարզին մէջ ինչ գիւղամթերք պէտք է արտադրուի:

Գատրային փոփոխութիւններուն անդրադառնալով գիւղատնտեսութեան նախարարհ ըսաւ, որ անոնք չեն կրնար ինքնանպատակ ըլլալ, և իրենց դինագրաւած հարցերը լուծող գատրերը կը մնան, զանոնք փոխելու կարիք չ՚ըլլար:

Share.

Leave A Reply

This site uses Akismet to reduce spam. Learn how your comment data is processed.