ՍԻՍԻ ԿԱԹՈՂԻԿՈՍԱՐԱՆԻ ՎԵՐԱԴԱՐՁԻ ԴԱՏԸ ՀԵՏԱՊՆԴՈՂ ՅԱՆՁՆԱԽՈՒՄԲԻՆ ՀԱՆԴԻՊՈՒՄԸ ԱՆԹԻԼԻԱՍԻ ՄԷՋ

0

Ինչպէս ծանօթ է մեր ժողովուրդին, շուրջ տարի մը առաջ, Եւրոպայի Մարդկային Իրաւանց դատարանը մերժած էր քննարկել Թուրքիոյ Սահմանադրական դատարանին կողմէ նոյնպէս քննարկման մերժումի ենթարկուած Սիսի Կաթողիկոսարանի վերադարձի պահանջքը։ Անցնող ամիսներուն, յիշեալ դատական հայցը շարունակելու վճռակամութենէն մղուած, Կաթողիկոսարանի իրաւական յանձնախումբը խորհրդակցութիւններ ունեցած էր թէ՛ եւրոպական եւ թէ թրքական իրաւական հարցերուն ծանօթ մասնագէտներու հետ եւ յանգած էր այն որոշումին, որ նոյն դատական հայցը որոշ բարեփոխումներով պէտք է ներկայացնել Թուրքիոյ նախադատ ատեանին։

Այս որոշումէն մեկնած, անցնող քանի մը օրերու ընթացքին, Անթիլիասի Մայրավանքին մէջ, գլխաւորութեամբ ՆՍՕՏՏ Արամ Ա. Վեհափառ Հայրապետին, աշխատանքային հանդիպում մը տեղի ունեցաւ իրաւական յանձնախումբի կարգ մը անդամներուն հետ։ Իրաւական յանձնախումբի լիակատար նիստը տեղի պիտի ունենայ յառաջիկայ ամսուան ընթացքին, ուր պիտի ճշդուի դատը թրքական դատարան ներկայացնելու գործընթացքը։
 

Share.

Leave A Reply

This site uses Akismet to reduce spam. Learn how your comment data is processed.