ԵՏՄ-ԻՐԱՆ ԺԱՄԱՆԱԿԱՒՈՐ ՀԱՄԱՁԱՅՆԱԳԻՐ ՄԸ ՍՏՈՐԱԳՐԵՑԻՆ ԱԶԱՏ ԱՌԵՒՏՈՒՐԻ ԳՕՏԻԻՆ ՄԱՍԻՆ

0

Եւրասիական Տնտեսական Միութիւնը եւ Իրանը 17 Մայիսին Ասթանայի տնտեսական համաժողովին ընթացքին ժամանակաւոր համաձայնագիր մը ստորագրած են ազատ առեւտուրի գօտիին առնչութեամբ: «Այժմ համաձայնագիրին մէջ ներառուած Է այն ապրանքներու սկզբնական ցանկը, որոնց նկատմամբ ներմուծումի մաքսատուրքերը փոխադարձ առեւտուրի ընթացքին կը նուազին կամ կը վերացուին համաձայնագիրին գործնականացումէն ետք: Համաձայնագիրը կ’ընդգրկԷ փոխադարձ առեւտուրի ծաւալի 50 տոկոսը», «Արմէնփրէս»ի հաղորդումով՝ Ասթանայի Տնտեսական Համաժողովին յայտարարած Է Եւրասիական Տնտեսական Յանձնաժողովի անձնակազմի նախագահ Տիգրան Սարգսեանը:

Ան ճշդած Է, որ ԵՏՄ-ի եւ Իրանի միջեւ առեւտուրի ծաւալը 2017-ին կազմած Է 2,7 մլր. տոլար: Անոր խօսքով՝ համաձայնագիրի ուժի մէջ մտնելէն անմիջապէս ետք կողմերը կը յաջողին տնտեսել ներմուծման մաքսատուրքերու վճարումները : ԵՏՄ-ի համար նախատեսուած ցանկին մէջ ներառուած են մսամթերքն ու իւղաճարպային արտադրանքը, հրուշակեղէնի ու տուրմի առանձին տեսակներ, գեղագիտական դեղեր, ելեկտրոնային ու մեքանիքական սարքերու տեսակներ:

Իրանական կողմը մաքսային զիջողութիւններ կը ստանայ պարենային ապրանքներու ընդգրկուն ցուցակով, որ կը ներառէ բանջարեղէն, միրգեր, չորցած միրգեր, ինչպէս նաեւ շինարարական նիւթեր: «Արդիւնաբերական ապրանքներու գծով Իրանի ներմուծման մաքսատուրքերու սակը կը նուազի 7 տոկոսային կէտով, իսկ միութեան երկիրներուն համար՝ 3,5 կէտով, գիւղատնտեսական ապրանքներու գծով Իրանի համար անոնք կը նուազին 18 կէտով, ԵՏՄ-ի համար՝ 5 կէտով», յայտնած Է Սարգսեան եւ աւելցուցած, որ լիաֆորմատ համաձայնագիրը կրնայ ստորագրուիլ երեք տարի վերջ:

Share.

Leave A Reply