«ԱՐՏԱՀԵՐԹ ԸՆՏՐՈՒԹԻՒՆՆԵՐՈՒ ԿԱՐԵԼԻՈՒԹԻՒՆԸ ՊԷՏՔ Է ՏԱՅ ՍԱՀՄԱՆԱԴՐՈՒԹԻՒՆԸ». ՀԱՐՑԱԶՐՈՅՑ ՌՈՒԶԱՆ ԱՌԱՔԵԼԵԱՆԻ ՀԵՏ

0

Հայաստանի «Ժողովուրդ» օրաթերթը զրուցած է Ազգային Ժողովի ՀՅԴ խմբակցութեան նորընտիր պատգամաւոր Ռուզան Առաքելեանի հետ: «Քաղաքական մշակոյթը ներկայիս այնքան զարգացած է, որ քաղաքական ուժերը 3 օրուան ընթացքին կրնան դիրքորոշում փոխել Արտահերթ խորհրդարանական ընտրութիւններ կատարելու կարելիութեան եւ քաղաքական այլ հարցերու շուրջ», ըսած է Առաքելեան:

Ստորեւ զրոյցին մանրամասնութիւնները.

-Տիկին Առաքելեան, այս պահուն արտահերթ ընտրութիւններու իրականացման կարելիութիւն կը տեսնէ՞ք:

-Արտահերթ ընտրութիւններու կարելիութիւնը պէտք է տայ սահմանադրութիւնը, որուն կողքին իրավիճակէն յառաջացած անհրաժեշտութիւնը: Հիմա յառաջացած է իրավիճակ մը, ուր քաղաքական որեւէ ուժերէն մէկը կ՛առաջարկէ այդ արտահերթ ընտրութիւնները իրականացնել, բայց կը կարծեմ, որ սահմանադրութիւնը պէտք է ըլլայ այս հարցին ելակէտը:

-Իսկ ՀՅԴ-ի կարելիութիւնները ինչպէ՞ս կը գնահատէք:

-Գիտէ՞ք ինչ, ՀՅԴ-ն միշտ ունեցած է կայուն ընտրազանգուած, եւ հիմա ալ մենք չենք կորսնցուցած այդ ընտրազանգուածը: Ինչո՞ւ պէտք է կորսնցնէինք մեր ընտրողները, եթէ կրցած ենք որեւէ քայլ հիմնաւորել:

-Երբ ՀՅԴ-ն դուրս եկաւ համախոհութենէն, կարծիք կար, որ Ձեր քաղաքական ուժը դաւաճանեց ՀՀԿ-ին:

-Գիտէ՞ք, անխոհեմութիւն է ըսել, որ քաղաքական ուժ մը դաւաճանած է: Սա դաւաճանելու կամ հաւատարիմ մնալու հարց չէ: Դաշնակցութիւնը իր աշխատանքի առանցքը կը դնէ պետականութեան կայունութիւնը: Եւ չեմ կարծեր, որ 21-րդ դարու մէջ որեւէ ուժ պէտք է գնահատել ըսելով թէ դաւաճանած է, հաւատարիմ է եւ այլն: Քաղաքական մշակոյթը ներկայիս այնքան զարգացած է, որ քաղաքական ուժերը 3 օրուան մէջ կրնան դիրքորոշում փոխել:

Զրուցավար՝ Մերի Մարտիրոսեան

Share.

Leave A Reply

This site uses Akismet to reduce spam. Learn how your comment data is processed.