ԹՈՒՐՔԻԱՆ ՍՈՒԼԷՅՄԱՆ ՇԱՀԻ ԴԱՄԲԱՐԱՆԸ ՍՈՒՐԻԱ ԿԸ ՏԵՂԱՓՈԽԷ

0

Թրքական «Էրմենիհապէր» լրատուականը կը հաղորդէ, որ Թուրքիա Սուրիա պիտի տեղափոխէ Օսմանեան Կայսրութեան առաջին սուլթանին՝ Օսման Առաջինի պապին՝ Սուլէյման Շահին դամբարանը:

2015-ին, երբ Սուրիոյ մէջ բուռն պատերազմ կ’ընթանար «Իսլամական պետութիւն» ահաբեկչական կազմակերպութեան դէմ, Թուրքիոյ զինուժին պատկանող ստորաբաժանումները ներխուժած էին Սուրիոյ Էշմէ գիւղ եւ անվտանգութեան նկատառումներէ մեկնելով , ժամանակաւորապէս տարհանած այնտեղ գտնուող Սուլէյման Շահի դամբարանը։ Անոր մասունքները տեղափոխուծ էին Թուրքիոյ տարածք։

Ապրիլ 2018-ին Թուրքիոյ արտաքին գործոց նախարարը տեղեկացուցած էր, որ  Սուրիոյ իրավիճակի բարելաւումէն ետք, Թուրքիա դամբարանը պիտի տեղափոխէ Սուրիա։

Սուլէյման Շահը ապրած է 1178-1227 թուականներուն։ Մահէն ետք թաղուած է Սուրիոյ Հալէպ նահանգի շրջաններէն մէկուն մէջ։ Անոր դամբարանը հետագային թուրքերու համար վերածուած է սրբավայրի։ 1921-ին Ֆրանսայի եւ Թուրքիոյ միջեւ կնքուած Անգարայի պայմանագիրով դամբարանի վերահսկողութիւնը անցած է Թուրքիոյ։

Share.

Leave A Reply

This site uses Akismet to reduce spam. Learn how your comment data is processed.