ԱՐՄԵՆՈՒՀԻ ԿԻՒՐԷՂԵԱՆ. «ԸՆՏՐԱԿԱՇԱՌՔԸ, ՎԱԽՆ ՈՒ ՊԱՐՏԱԴԻՐԸ ՄԵՐԺԵԼԻ ԵՆ»

0

Ստորեւ ամբողջութեամբ կը ներկայացնենք Հայաստանի Հանրապետութեան Ազգային Ժողովի յայտարարություններու ընթացքին ՀՅԴ խմբակցութեան քարտուղար Արմենուհի Կիւրեղեանի ելոյթը.

«Յարգելի հայրենակիցներ,

Տակաւին 2013-ի նախագահական ընտրութիւններու շուրջ ՀՅԴ Գերագոյն Մարմնի յայտարարութեան մէջ քաղաքական օրակարգ բերուած էին բոլորիս յայտնի եօթը կէտերը, հիմնահարցեր, որոնց առաջադրումով եւ լուծումով կրնայինք ստեղծել երկրի բնականոն, անվտանգ եւ թռիչքային զարգացման կարելիութիւնը:

Այդ հիմնահարցերէն են.

– Ստեղծել ժողովուրդի ազատ կամքի արտայայտութեամբ իշխանութեան ձեւաւորումն ու փոփոխութիւնը երաշխաւորող  ընտրական համակարգ, բացառել ընտրակաշառքը, պետական-վարչական աղբիւրի օգտագործումը, անցում կատարել խորհրդարանական 100 տոկոս համամասնական ընտրութեան:

– Յստակօրէն տարանջատել տնտեսութիւնն ու քաղաքականութիւնը, ապահովել  դատական իշխանութեան լիարժէք անկախութիւնը եւ այլն:

Այս եւ միւս հիմնախնդիրներու լուծումին անհրաժեշտութիւնը յստակօրէն ձեւակերպուած են նաեւ նոր կառավարութեան գործունէութեան ծրագիրին մէջ: Առաջնահերթ համարուած է ընտրակաշառքի մերժումի մթնոլորտի մէջ ազատ, արդար, թափանցիկ, ժողովրդավարական արտահերթ խորհրդարանական ընտրութիւններու ընթացքը։

Յարգելի հայրենակիցներ,

Հայաստանի հպարտ քաղաքացիներ,

Մենք պէտք է մերժենք ընտրակաշառքի բոլոր տարբերակները՝ նաեւ բարեգործութեան անուան տակ՝ ցուցակներով, ծրարներով օգնութիւն բաժանելու ձեւաչափով: Մենք ոչ մէկուն առիթ պիտի տանք տարբեր ձեւերով ընտրակաշառք առաջարկելով՝ նսեմացնել մեր արժանապատուութիւնը:

Քաղաքական ուժերը պիտի սկսին պատրաստուիլ այդ գործընթացին՝ փորձելով քարոզարշաւի թէ՛ նոր մեթոտներ, թէ՛ հին՝ նոր փաթեթաւորումով: Եւ պիտի սկսին օր առաջ:

Յարգելի հայրենակիցներ,

մենք ունինք արդէն արձանագրուած երկու մեծ յաղթանակներ.

– Դեկտեմբեր 2015-ին Դաշնակցութեան էական դերակատարումով ընդունուեցան սահմանադրական փոփոխութիւններ:

Եթէ չփոխուէր սահմանադրութիւնը, եթէ կառավարման համակարգը մնար նոյնը, ու ընտրուէր նոր նախագահ՝ ով կ’ուզէր ան ըլլար, պէտք է ունենայինք որոշումներու գոյացման կեդրոնացում մէկ անձի ձեռքին մէջ: Պէտք չէ մոռանանք, որ այդ ժամանակ գործող սահմանադրութեամբ սահմանադրական փոփոխութիւններու նախաձեռնութեամբ կրնային հանդէս գալ միայն կամ նախագահը, կամ խորհրդարանական մեծամասնութիւնը, որ նոյն խումբէն էր: Եւ եթէ այդ ժամանակ անոնք չկազմակերպէին նման նախաձեռնութիւն, ապա կ’ունենայինք նոր նախագահ, որ ընտրուելէն ետք դժուար թէ դիմանար տաս տարի անընդմէջ միանձնյա որոշումներ կայացնելու գայթակղությանը, որի վտանգները մենք շատ լաւ զգացած ենք մեր կեանքին մէջ:

Այս կարեւոր յաղթանակը նախադրեալներ ստեղծեց, որպէսզի Ապրիլ 2018-էն խորհրդարանական համակարգի լիարժէք հաստատումէն ետք սկսի պայքար ու գրանցուի երկրորդ, աւելի մեծ ու նշանակալի յաղթանակը:

Այսօր արդէն մենք ունինք ժողովուրդի կամքով ընտրուած վարչապետ, ժողովուրդի վստահութեան քուէի վրայ յենուած՝ անոր կողմէն ձեւաւորուած կառավարութիւն, ծրագիր:

Յարգելի հայրենակիցներ, եկած է մեր յաղթանակներու արձանագրումի ամենակարեւոր փուլը՝ երրորդ փուլը: Արտահերթ ընտրութիւններու արդիւնքով պէտք է ձեւաւորենք այնպիսի խորհրդարան, որուն մէջ չըլլայ քաղաքական մենաշնորհ՝ իր անցանկալի հետեւանքներով:

Կը դիմեմ շարժումի գործուն մասնակիցներուն, երիտասարդներուն, առաւելաբար մինչեւ 45 տարեկան:

Յարգելիներս,

Պէտք է կարենանք ազատ, անկախ, արդար Հայաստանի պայքարի համար Ձեր անյաղթահարելի ոգին տեղափոխել Երեւանի կեդրոնէն մինչեւ ամենահեռաւոր համայնք ու բնակավայր, պէտք է այնպէս ընենք, որ իւրաքանչիւր քաղաքացի հասկնայ, որ իր քուէն ուժ ունի, որ անթոյլատրելի է ընտրակաշառքի դրսեւորումի իւրաքանչիւր ձեւ՝ որպէս ընտրակաշառք ցուցակներով ծրարներով գումար բաժնելէ մինչեւ այնպիսի բարեգործութիւն, որ կրնայ ազդել մարդկային հոգեբանութեան վրայ, կրնայ կախման մէջ դնել մարդուն այդ բարեգործութենէն եւ անորմով խեղաթիւրել ընտրութեան ճիշդ ընթացքը:

Անթոյլատրելի է նաեւ վախի կամ պարտադրանքի մթնոլորտի մէջ ընտրութեան մասնակցիլը:

Ընտրակաշառքը, վախն ու պարտադիրը մերժելի են:

Share.

Leave A Reply