ԲԱԲԼՈՅԵԱՆ՝ ՊԱՐՏԱԴԻՐԻ ՄԱՍԻՆ. «ԿԸ ՔՆՆԱՐԿԵՆՔ ԵՒ ՄԵՐ ՎԵՐՋՆԱԿԱՆ ԿԱՐԾԻՔԸ ԿԸ ՅԱՅՏՆԵՆՔ»

0

Հայաստանի Հանրապետութեան Ազգային Ժողովի նախագահ Արա Բաբլոյեան՝ անդրադառնալով 1 Յուլիսէն ուժի մէջ մտնող կենսաթոշակային համակարգի պարտադիր բաղադրիչին, լրագրողներու հետ զրոյցի մը ընթացքին ըսաւ, որ երբ նախագիծը հասնի Ազգային ժողով, կը քննարկենք եւ մեր վերջնական կարծիքը կը յայտնենք:

«Ես չեմ ուզեր կարծիք տալ, որպէս Ազգային Ժողովի նախագահ, որպէսզի ազդեցութիւն չունենամ», աւելցուց ան:

Պատասխանելով այն հարցումին, թէ այս համակարգը իրենց իշխանութեան օրոք ներդրուած է, արդեօ՞ք կ’աջակցին, որ ընդունուի, Բաբլոյեան ըսաւ. «Կը քննարկենք եւ կ’որոշենք»:

Յայտնենք, որ նախագիծով կ’առաջարկուի կուտակային պարտադիր համակարգին մասնակցող եւ 1 Յուլիսէն անոր միացող քաղաքացիներու եկամուտին 10 տոկոսի կուտակումը ձեւաւորել 2,5 եւ 7,5 տոկոս համամասնութեամբ, այսինքն` 2,5 տոկոսը կը վճարէ քաղաքացին, 7,5 տոկոսը` պետութիւնը:

Տակաւին գործող կարգաւորումով` կենսաթոշակային համակարգի մասնակիցը կը կուտակէ իր եկամուտի 10 տոկոսը՝ 5 տոկոսը կը վճարէ անձը, 5 տոկոսը՝ անձի օգտին` պետութիւնը:

 

Share.

Leave A Reply

This site uses Akismet to reduce spam. Learn how your comment data is processed.