ԹՐԱՄՓՆ ՈՒ ԺՈՂՈՎՐԴԱՅԻՆ ՔՈՐԻԱՅԻ ՆԱԽԱԳԱՀԸ ՄԻԱՑԵԱԼ ՀԱՄԱՁԱՅՆԱԳԻՐ ՄԸ ՍՏՈՐԱԳՐԵՑԻՆ

0

Երեքշաբթի, 12 Յունիս 2018-ին, ԱՄՆ-ի նախագահ Տանըլտ Թրամփ ժողովրդավար Քորիայի նախագահները Սինկափորի մէջ գումարուած գագաթնաժողովի աւարտէն ետք, գործակցութեան ամբողջական համաձայնագիր մը ստորագրեցին:

«Ռոյթըրզ»ի համաձայն, նախագահ Թրամփ այս առիթով ըսած է. «Ժողովրդավար Քորիայի նախագահին հետ շատ յատուկ յարաբերութեան մը սկիզբը ազդարարեցինք», ապա Քորիայի նախագահը հրաւիրած է այցելելու Սպիտակ Տուն՝ աւելցնելով, որ ժողովրդավար Քորիայի հետ ԱՄՆ-ի յարաբերութիւնները նախկինէն բոլորովին տարբեր պիտի ըլլան:

Թրամփ խոստացած է  ամերիկաքորիական յարաբերութիւնները զարգացնել արագ կշռոյթով՝ յայտնելով, որ քորիական հիւլէական զէնքերու կանխարգիլման ծրագիրը մօտօրէն ի գործ պիտի դրուի:

Իր կարգին Քիմ ըսած է. «Նոր փուլ մը պիտի սկսի պատմական այս հանդիպումէն ետք», աւելցնելով, որ աշխարհը մեծ փոփոխութիւններու վկան պիտի դառնայ»:

Համաձայնագիրի ստորագրութեան նախօրէին, նախագահ Թրամփ յայտնած էր, որ ժողովրդավար Քորիայի նախագահին հետ հանդիպումը մեր պատկերացուցածէն շատ աւելի արդիւնաւէտ էր»:

Share.

Leave A Reply