ՍՈՒՐԻԱ ՄԱԿ-ի ԱՆՎՏԱՆԳՈՒԹԵԱՆ ԽՈՐՀՈՒՐԴԷՆ ԿԸ ՊԱՀԱՆՋԷ ԴԱՏԱՊԱՐՏԵԼ ՄԻՋԱԶԳԱՅԻՆ ԴԱՇԻՆՔԻ ՕԴՈՒԺԻՆ Ի ԳՈՐԾ ԴՐԱԾ ՍՊԱՆԴԸ

0

Երեքշաբթի, 12 Յունիս 2018-ին, Սուրիա հաստատեց, որ Սուրիոյ ժողովուրդին դէմ Միջազգային Դաշինքի օդուժին կողմէ շարունակուող պատերազմական ոճիրները եւ ահաբեկչութեան զօրակցութիւնը կը յայտնաբերեն ՄԱԿ-ին եւ Անվտանգութեան Խորհուրդին անպատասխանատու մօտեցումը միջազգային օրէնքին ու ՄԱԿ-ի համաձայնագրութեան սկզբունքներուն նկատմամբ: Անոնք ոչ մէկ ձեւով կը փորձեն կասեցնել Սուրիոյ ինքնիշխանութիւնն ու տարածքային ամբողջականութիւնը արհամարհող այս դաշինքին անօրէն ու թշնամական քայլերը, որոնց նպատակը, իրականութեան մէջ, սուրիական տագնապը երկարաձգել է:

Սուրիոյ Արտաքին Գործոց Նախարարութիւնը երկու նամակ յղեց ՄԱԿ-ի ընդհանուր քարտուղարին եւ Անվտանգութեան Խորհուրդին՝ կոչ ուղղելով անոնց պահպանելու միջազգային անվտանգութիւնն ու խաղաղութիւնը, նման կոտորածներ դատապարտելու եւ սուրիական հողերէն դուրս բերելու ԱՄՆ-ի եւ այլ օտար կողմերու ուժերը, որոնք Սուրիա ներխուժած են առանց սուրիական կառավարութեան արտօնութեան:

Share.

Leave A Reply

This site uses Akismet to reduce spam. Learn how your comment data is processed.