ՀԱՒԿԻԹԻ ՕԳՏԱԳՈՐԾՄԱՆ ԿԱՐԵԼԻՈՒԹԻՒՆՆԵՐԸ

0

Հաւկիթը հարուստ է բնաթելով, բնասպիտով, Պէ. 3 կենսանիւթով: Սակայն չմոռնա՛ք, որ իւրաքանչիւր 100 կրամ հաւկիթը 380 միլլիկրամ քոլեսթերոլ կը պարունակէ, հետեւաբար պէտք է չափաւորել անոր սպառումը:

Հաւկիթը կարելի է օգտագործել ոչ թէ միայն սնունդ ստանալու անկէ, այլեւ զարդեղէններ պատրաստելու անոր կեղեւով:

Հաւկիթին  ամէնէն անպիտու բաժինը անոր կեղեւը կը թուի ըլլալ, անոր փոքր մէկ բաժինը եթէ սխալմամբ ինկած ըլլայ ճաշի պնակին մէջ տհաճ զգացում կու տայ թէ՛ ճաշակողին եւ թէ ճաշը պատրաստողին։

Հակառակ այս իրողութեան, կեղեւը շատ մը պարագաներու գեղեցիկ զարդեղէններու պատրաստութեան կը ծառայէ:

Ահաւասիկ օրինակներ՝ կցուած պատկերներով.

Ուշադրութեամբ կտրել հաւկիթը, հում վիճակի մէջ,  պարպել միջուկը։ Կեղեւը լաւ մը լուալ ու չորցնել: Ետքը առնել ապակեայ, կաւով կամ փայտով շինուած զարդեղէն մը: Հաւկիթի կեղեւին խէժ քսել եւ փակցնել տուեալ զարդեղէնին։ Սպասել որ չորնայ։ Ետքը գունաւորել վրձինով՝ ceramic ներկով, եթէ ապակեայ զարդեղէն կ’օգտագործէք, կամ acrylic color ներկով, եթէ փայտով կամ կաւով շինուած զարդեղէն կ’օգտագործէք։ Եթէ աս ներկերը չկարենաք ապահովել, կրնաք սրսկիչ ներկով (սփրէյով) գունաւորել զարդեղէնը։

Հաւկիթի կեղեւին մէջ կրնաք նաեւ բոյս ցանել եւ ստանալ շատ գեղեցիկ զարդեղէն:

 Հաւկիթի ճերմկուցին օգտագործումը

Սխտորի Մածուկ

Սխտորի մածուկ պատրաստելու համար երկու հաւկիթի ճերմկուցը հարել գործիքով մինչեւ որ ճերմակ գոյն ստանայ: Ետքը քանի մը պճեղ ծեծուած սխտոր, կէս լեմոնի հիւթ, քիչ մը աղ աւելցնել հաւկիթին վրայ եւ կամաց-կամաց խառնելով աւելցնել արեւածաղիկի ձէթ մինչեւ որ խառնուրդը թանձրանայ։

Հաւով Նակէթ

Բաղադրութիւն

-1 քլկ. հաւու կուրծք՝ խորանարդաձեւ կտրուած

-1/2 ապուրի դգալ աղ

– 5-6 պճեղ ծեծուած սխտոր

-1/4 թէյի դգալ ճերմակ փոշի պղպեղ

-2 գաւաթ ալիւր

-2 հաւկիթի դեղնուց

-2 թէյի դգալ BP

-Կէս գաւաթ ջուր

-2 ապուրի դգալ մանանեխի մածուկ

Պատրաստութիւն

Ալիւրը, աղը, փոշի պղպեղը, ծեծուած սխտորը, հաւկիթին դեղնուցը, մանանեխի մածուկն ու BP-ը խառնել, աւելցնել ջուրը ու շարունակել  խառնել մինչեւ որ կպչուն խմոր մը ստացուի:

Այս զանգուածին վրայ աւելցնել խորանարդաձեւ կտրտուած հաւու միսը եւ սառնարան ձգել 4-5 ժամ, ետքը միսի կտորները արեւածաղիկի տաք ձէթի մէջ տապկել:

Բարի ախորժակ

 

Share.

Leave A Reply