ՄԱՐԶԱԿԱՆ՝ Յունիս Բ./2018

0

2018-Ի ՀԱՄԱՇԽԱՐՀԱՅԻՆ ՖՈՒԹՊՈԼԻ ԽՄԲԱԿՆԵՐԸ ԲԱՑՈՒԱԾ ԿԸ ՅԱՅՏԱՐԱՐԵՆ ՄՐՑԱՇԱՐՔԸ

Վերջին շաբթուան ընթացքին Ռուսիա ժամանեցին 2018-համաշխարհային ֆութպոլի մրցումներու մասնակից 32 հաւաքականներ, որոնք մէկ ամսուան տեւողութեամբ պիտի մրցին համաշխարհային բաժակին տիրանալու համար: Այս տարուան ախոյեանութիւնը կը վայելէ Ռուսիոյ նախագահ Վլատիմիր Փութինի բարձր հովանաւորութիւնը, որ ոչ մէկ ճիգ խնայեց միջազգային այս խաղերու յաջողութեան համար:

Ստորեւ կը ներկայացնենք մասնակից երկիրներու անունները եւ խմբակներու բաժամունքը.

Ա- խմբակ Ռուսիա, Սէուտական Արաբիա, Եգիպտոս, Ուրուկուէյ

Բ- Խմբակ Փորթուկալ, Սպանիա, Մարօք, Իրան

Գ- Խմբակ Ֆրանսա, Աւստրալիա, Բերու, Դանիա

Դ –Խմբակ Արժանթին, Նիճերիա, Խրուաթիա

Ե –Խմբակ Պրազիլ, Զուիցերիա, Քոսթարիքա, Սերպիա

Զ –Խմբակ Գերմանիա, Մեքսիք, Շուէտ, Հարաւային Քորիա

Է- Խմբակ Պելճիքա, Անգլիա, Թունուս, Փանամա

Ը – Խմբակ Լեհաստան, Քոլոմպիա, Սենեկալ, Ճափոն:

 

ՌՈՆԱԼՏՕ ՊԻՏԻ ՀԵՌԱՆԱՅ ՌԻԱԼ ՄԱՏՐԻՏԷՆ

Եւրոպայի ախոյեան Ռիալ Մատրիտի փորթուկալցի կիսապաշտպան Քրիսթիանօ Ռոնալտօ վերջնական որոշում առաւ եւ տեղեկացուց, որ կ’ուզէ հեռանալ արքայական ակումբէն: Ըստ միջազգային մարզական լուրերուն, փորթուկալցի խաղցողը մէկ պայմանով կրնայ մնալ սպանական խումբին մէջ՝ եթէ իր ուզած գումարը գանձէ: Աղբիւրը յիշեց, որ մայրաքաղաքի ակումբը կը պատրաստուի Ռոնալտոյին առաջարկել տարեկան 30 միլիոն եւրոյի համարժէք աշխատավարձ, սակայն ֆութպոլիստը կը պահանջէ 40 միլիոն եւրօ: Յիշենք, որ ֆրանսական Փարիզ Սեն Ժարմենը պատրաստ է անոր վճարել 45 միլիոն եւրօ:

 

ԿՈԼՏԸՆ ՍԹԷՅԹ NBA-Ի ԱԽՈՅԵԱՆ

Ամերիկայի պասքէթպոլի արհեստավարժական ախոյեանութեան աւարտական փուլը եզրափակուեցաւ։ Երկրորդ տարին անընդմէջ յաղթող ճանչցուեցաւ «Կոլտըն Սթեյթ» խումբը:Եզրափակիչ չորրորդ խաղին գործող ախոյեանը 108:85 հաշիւով պարտութեան մատնեց «Քլիվլենթ Կավալիերսին» հիւրընկալ կազմը: Այդպիսով, ընդհանուր հաշիւը դարձաւ 4:0, եւ Կոլտըն Սթէյթ կրկին տիրացաւ գլխաւոր մրցանակին: Հանդիպման ամէնէն արդիւնաւէտ խաղցող ճանչցուեցաւ հիւր կազմէն Ստիվըն Կարի, որ նշանակեց 37 կէտ: Եզրափակիչ փուլի լաւագոյն խաղցող հռչակուեցաւ Կոլտըն Սթէյթի մէկ այլ յարձակող Գեւին Տիւրանտ, որ չորս խաղերու միջինով վաստկեց 28,7 կէտ:

Ռաֆֆի Սիւլահեան

Share.

Leave A Reply

This site uses Akismet to reduce spam. Learn how your comment data is processed.