ԱՊՏՈՒԼԼԱՀԵԱՆ. «ՍՈՒՐԻՈՅ ՄԷՋ ԻՐԱՆԻ ԽՈՐՀՐԴԱՏՈՒԱԿԱՆ ՆԵՐԿԱՅՈՒԹԻՒՆԸ ՀԱՄԱԳՈՐԾԱԿՑՈՒԹԵԱՆ ՇՐՋԱԳԻԾԻՆ ՄԷՋ Կ՛ԻՅՆԱՅ»

0

Երեքշաբթի, 10 Յուլիս 2018-ին, Իրանեան իսլամական խորհրդարանի միջազգային հարցերու փոխնախարար Հուսէյն Ամիր Ապտուլլահեան, Իրանի մէջ Աւստրալիոյ դեսպանին հետ հանդիպման առիթով հաստատեց, որ Սուրիոյ մէջ Իրանի խորհրդատուական ներկայութիւնը՝ երկու երկիրներու համագործակցութեան շրջագիծին մէջ կ՛իյնայ, եւ ոչ մէկ պետութիւն իրաւունք ունի միջամտելու այս հարցին:

Անդրադառնալով Եմէնի տագնապին, ան աւելցուց, որ այդ տագնապը կարելի է լուծել միայն քաղաքական միջոցներով:

Իր կարգին, Աւստրալիոյ դեսպանը յայտնեց, որ իր երկիրը շահագրգռուած է Իրանի հետ տարբեր ոլորտներու մէջ համագործակցութեան զարգացումով՝ աւելցնելով, որ Իրան գործուն դերակատարութիւն ունի շրջանի ու աշխարհի տարածքին ահաբեկչութեան եւ ծայրայեղականութեան դէմ պայքարի հոլովոյթին մէջ:

Share.

Leave A Reply

This site uses Akismet to reduce spam. Learn how your comment data is processed.