ՆԱԽԱԳԱՀ ԱՍԱՏ. «ԱԶԳԱՅԻՆ ՄԱԿԱՐԴԱԿՈՎ ՆԵՐՔԻՆ ՀԱՄԱՁԱՅՆՈՒԹԻՒՆԸ ՈՐԵՒԷ ԱՅԼ ՀԱՄԱՁԱՅՆՈՒԹԵԱ Ն ՀԻՄՔԸ ԿԸ ՀԱՆԴԻՍԱՆԱՅ»

0

Երեքշաբթի, 10 Յուլիս 2018-ին, Սուրիոյ նախագահ Պաշշար ալ Ասատ բաց քննարկումի հրաւիրեց Սուրիոյ Արտաքին Գործոց Նախարարութեան դիւանագէտները՝ խոհրդակցելու քաղաքական, տարածաշրջանային եւ միջազգային իրավիճակներուն, դիւանագիտական աշխատանքներուն եւ Սուրիոյ քաղաքական եւ հասարակական կեանքի ապագային շուրջ:

Նիստին ընթացքին Ասատ հաստատեց, որ ազգային մակարդակով գոյացած ներքին համաձայնութիւնը, որեւէ այլ համաձայնութեան կամ քաղաքական հարցի լուծման հիմքը կը հանդիսանայ՝ աւելցնելով, որ նման համաձայնութիւն, այլազան հարթակներու վրայ, միայն երկխօսութեամբ կարելի է իրականացնել:

Ասատ դիտել տուաւ, որ Սուրիոյ առնչուող հարցերուն շուրջ երկխօսութիւնը ընդհանրապէս, իսկ դիւանագէտներուն միջեւ մասնաւորապէս, կը հարստացնէ սուրիացիները, մանաւանդ դիւանագիտական ոլորտին ծառայողները՝ իմանալու ներքին, արտաքին թէ միջազգային որեւէ հարցի դրդապատճառներն ու նախադրեալները, ինչ որ առիթ կու տայ Սուրիոյ ժողովուրդին եւ Սուրիոյ Արտաքին Գործոց Նախարարութենէն ներս ծառայողներուն ճշգրիտ ձեւով վարուելու հարցերուն հետ՝ միշտ գերադաս համարելով մեր երկրին ու ժողովուրդին շահերը:

Share.

Leave A Reply

This site uses Akismet to reduce spam. Learn how your comment data is processed.