ՄԱՀԱՑԱԾ Է ՍՈՒՐԻՈՅ ՏԵՂԵԿԱՏՈՒՈՒԹԵԱՆ ՆԱԽԿԻՆ ՆԱԽԱՐԱՐ ՕՄՐԱՆ ԱԼ ԶՈՀՊԻՆ

0

Ուրբաթ, 6 Յուլիս 2018-ին, Սուրիոյ Տեղեկատուութեան Նախարարութիւնը գուժեց նախկին տեղեկատուութեան նախարար եւ Ազգային Յառաջդիմական Ճակատի փոխնանագահ Օմրան ալ Զոհպիի մահը:

Զոհպի սրտի կաթուածի հետեւանքով փոխադրուած է Դամասկոսի «Ալ Շամի» հիւանդանոց, ուր մահացած է:

Զոհպի ծնած է 1959-ին, Դամասկոս: Ան Դամասկոսի Պետական Համալսարանի Իրաւաբանութեան ճիւղի շրջանաւարտ է: Երկար տարիներ աշխատած է որպէս փաստաբան: Փաստաբանութեան կողքին ան զանազան ուսումնասիրութիւններ կատարած է քաղաքացիական եւ առեւտրական օրէնքներու, ինչպէս նաեւ քաղաքականութեան եւ տեղեկատուութեան շուրջ: 2012-ին նշանակուած է Սուրիոյ տեղեկատուութեան նախարար եւ ծառայած՝ մինչեւ 2016:

Share.

Leave A Reply

This site uses Akismet to reduce spam. Learn how your comment data is processed.