ՆԱԽԱԳԱՀԸ «ՀԱՅԱՍՏԱՆ» ՀԱՄԱՀԱՅԿԱԿԱՆ ՀԻՄՆԱԴՐԱՄԻ ՀՈԳԱԲԱՐՁՈՒՆԵՐՈՒ ԽՈՐՀՈՒՐԴԻՆ ԱՌԱՋԱՐԿԱԾ Է ԸՆԴՈՒՆԻԼ ՏՆՕՐԷՆԻՆ ՀՐԱԺԱՐԱԿԱՆԻ ԴԻՄՈՒՄԸ

0

Հայաստանի Հանրապետութեան նախագահ, «Հայաստան» համահայկական հիմնադրամի Հոգաբարձուներու խորհուրդի նախագահ Արմէն Սարգսեան 10 Յուլիսին նամակով մը դիմած է Հոգաբարձուներու խորհուրդի անդամներուն՝ առաջարկելով ընդունիլ Հիմնադրամի գործադիր տնօրէն Արա Վարդանեանի հրաժարականին դիմումը, որ վերջինս ներկայացուցած էր նախորդ օրը:

Հանրապետութեան նախագահը առաջարկած է «Հայաստան» համահայկական հիմնադրամի գործադիր վարչութեան ղեկավարումը ժամանակաւորապէս վստահիլ Հոգաբարձուներու խորհուրդի անդամ, Ֆրանսայի տեղական մարմնի ատենապետ Պետրոս Թէրզեանին, այնուհետեւ յայտարարել բաց մրցոյթ՝ Հիմնադրամի գործադիր տնօրէնի թափուր պաշտօնին համար:

Այդ նպատակով կ’առաջարկուի ստեղծել մրցութային յանձնաժողով՝ Պետրոս Թէրզեանի նախագահութեամբ: Յանձնաժողովի կազմին մէջ պիտի ընդգրկուին նաեւ Հանրապետութեան նախագահի, վարչապետի, Արցախի Հանրապետութեան նախագահի մէկական ներկայացուցիչ, ինչպէս նաեւ Հոգաբարձուներու խորհուրդի անդամ Ալպերթ Պօղոսեան:

Share.

Leave A Reply

This site uses Akismet to reduce spam. Learn how your comment data is processed.