ԱՏՐՊԷՅՃԱՆԻ ՄԷՋ ԲՈՂՈՔԻ ՑՈՅՑԻ ՑՐՈՒՈՒՄԻՆ ԸՆԹԱՑՔԻՆ ԵՐԿՈՒ ԳՆԴԱՊԵՏ ՍՊԱՆՈՒԱԾ Է

0

«Հաքքին» ատրպէյճանական լրատու գործակալութիւնը կը յայտնէ, որ 10 Յուլիսի երեկոյեան Ատրպէյճանի Կեանճա քաղաքին մէջ բողոքի ցոյցի ցրուումին ընթացքին սպանուած է երկու ոստիկան:

Ըստ Ատրպէյճանի Ներքին Գործոց Նախարարութեան` «կրօնական խմբաւորում»էն 150-200 անձ, հաւաքուելով քաղաքի գործադիր իշխանութեան վարչական շէնքի առջեւ, փորձած են կոպտօրէն խախտել հասարակական կարգը, հակաօրինական գործողութիւններ իրականացուցած են, կիրառելով կտրող-ծակող եւ բութ գործիքներ` դիմադրութիւն ցոյց տուած են օրինապահներուն: Ըստ Նախարարութեան  հաղորդագրութեան` ոստիկանութեան աշխատակիցները վճռական միջոցներու ձեռնարկած են եւ 40 ցուցարար ձերբակալած: Մնացածը յաջողած է փախչիլ: Ի դէպ, սպանուած ոստիկանները սպաներ են` գնդապետներ:

Տեղեկացնենք նաեւ, որ ըստ ատրպէյճանական լրատուամիջոցներուն, ցուցարարները բողոքած են Կեանճայի գործադիր իշխանութեան ղեկավար Էլմար Վելիեւի դէմ մահափորձի կասկածով Իւնիս Սաֆարովին ձերբակալելու որոշումին դէմ:

Share.

Leave A Reply

This site uses Akismet to reduce spam. Learn how your comment data is processed.