ԵԱՀԿ ՄԻՆՍՔԻ ԽՄԲԱԿԻ ՅԱՅՏԱՐԱՐՈՒԹԻՒՆԸ

0

ԵԱՀԿ Մինսքի խմբակի համանախագահներ Իկոր Փոփով, Սթեֆան Վիքթոնթին եւ Էնտրիւ Շեֆըրը 11 Յուլիսին Պրիւքսէլի մէջ հանդիպած են Հայաստանի Հանրապետութեան արտաքին գործոց նախարար Զոհրապ Մնացականեանի եւ Ատրպէյճանի արտաքին գործոց նախարար Էլմար Մամետեարովի հետ:
Հանդիպումին մասնակցած է նաեւ ԵԱՀԿ գործող նախագահի անձնական ներկայացուցիչ Անկէյ Քասփրչիքը:
Հայաստանի եւ Ատրպէյճանի մէջ ընտրութիւններէն ի վեր այսպիսի ձեւաչափով կողմերու միջեւ առաջին բարձր մակարդակի հանդիպումն է սա:

Նախարարները միտքեր փոխանակած են ներկայ իրավիճակին շուրջ եւ քննարկած հետագայ քայլերն ու առարկայական բանակցութիւններու վերսկսման ձեւաչափերը:
Կողմերը քննարկած են նաեւ շարք մը հարցեր հետագայ հանդիպումներուն առնչութեամբ, այդ կարքին` վստահութեան ամրապնդումին առնչուող հարցեր: Համանախագահները կարեւոր համարած են լարւածութեան մեղմացման եւ ռազմատենչ հռետորաբանութենէն խուսափելու կարեւորութիւնը: Անոնք նաեւ վերահաստատած են իրենց յանձնառութիւնը` օգնելու կողմերուն գտնելու հակամարտութեան խաղաղ լուծումը` Հելսինկեան եզրափակիչ աքթի հիմնական սկզբունքներուն, այդ կարքին` ուժ չկիրառելու սպառնալիքին, տարածքային ամբողջականութեան, ժողովուրդներու հաւասար իրաւունքներուն եւ ինքնորոշման իրաւունքի հիման վրայ:

Նախարարները համաձայնած են կրկին հանդիպիլ մօտ ապագային` համանախագահներու հովանիին ներքեւ:

Share.

Leave A Reply

This site uses Akismet to reduce spam. Learn how your comment data is processed.