ՀԱՅԱՍՏԱՆԷՆ ԱՒԵԼԻ ՔԱՆ 30 ԹՈՆ ՄԱՐԴԱՍԻՐԱԿԱՆ ՕԳՆՈՒԹԻՒՆ ՏՐԱՄԱԴՐՈՒԱԾ Է ՍՈՒՐԻՈՅ

0

«Արմէնփրէս», վկայակոչելով ռուսական Առաջին Ալիքը, կը հաղորդէ, որ Սուրիոյ մէջ գտնուող Հմէյմիմ ռուսական ռազմակայանին մէջ 12 Յուլիսին վայրէջք կատարած է Ռուսաստանի Արտակարգ Իրավիճակներու Նախարարութեան օդանաւը, որով Հայաստանէն ուղարկուած է աւելի քան 30 թոն մարդասիրական օգնութիւն, յատկապէս բրինձ, ձաւար եւ ձէթ:

Այդ օգնութիւնը պիտի տրամադրուի այն փախստականներուն, որոնք կը վերադառնան ազատագրուած քաղաքներ եւ գիւղեր: Օգնութենէն մաս մը պիտի տրամադրուի նաեւ Սուրիոյ հեռաւոր շրջաններուն:
Յառաջիկային կը սպասուի նաեւ քանի մը թռիչք, ընդհանուր առմամբ, Սուրիա պիտի հասնի 100 թոն մթերք եւ առաջին անհրաժեշտութեան ապրանքներ:

Share.

Leave A Reply

This site uses Akismet to reduce spam. Learn how your comment data is processed.