ԱՐԾՈՒԻԿ ՄԻՆԱՍԵԱՆ ՀԱՆԴԻՊՈՒՄ ՈՒՆԵՑԱԾ Է ՉԻՆԱՑԻ ԳՈՐԾԱՐԱՐՆԵՐՈՒ ՀԵՏ

0

Հայաստանի Հանրապետութեան տնտեսական զարգացման եւ ներդրումներու նախարար Արծուիկ Մինասեան հանդիպում ունեցած է Չինաստանէն ժամանած գործարարներու հետ։

Հանդիպումին մասնակցած են նաեւ նախարարութեան եւ «Պիզնես Արմենիա»ի պատասխանատու անձեր։

Նախարարը ողջունած է հիւրերը, ներկայացուցած Հայաստանի մէջ գործարարութեամբ զբաղելու եւ ներդրումներ կատարելու կարելիութիւններն ու առաւելութիւնները։

Չինացի գործարարները յայտնած են ներդրումներ կատարելու եւ Հայաստանի մէջ գործարարութեամբ զբաղելու իրենց մտադրութիւններուն մասին։ Գործարարները յատկապէս հետաքրքրուած են անշարժ գոյքի, բնակարանաշինութեան, հիւրանոցային առեւտուրի եւ ջերմուժային ոլորտներով։

Հանդիպումը կազմակերպուած էր «Պիզնես Արմենիա»ի հետ համագործակցութեան շրջանակներուն մէջ։ «Պիզնես Արմենիա»ի ներկայացուցիչ Ալինա Եղիազարեան համառօտ կերպով նախարարին ներկայացուցած է գործարարներու հետ տեղի ունեցած հանդիպումի մանրամասնութիւնները եւ տեղեկացուցած յառաջիկայ երկու օրերու ընթացքին նախատեսուող գործնական այցելութիւններուն մասին։ Արծուիկ Մինասեան իր ղեկավարած գերատեսչութեան անունով համագործակցութեան պատրաստակամութիւն յայտնած է։

Share.

Leave A Reply

This site uses Akismet to reduce spam. Learn how your comment data is processed.