ՀԱՅԱՍՏԱՆ ԵՒ ԱՐՑԱԽ ՊԷՏՔ Է ՍՏՈՐԱԳՐԵՆ ՌԱԶՄԱՔԱՂԱՔԱԿԱՆ ՊԱՅՄԱՆԱԳԻՐ. ԱՐՑԱԽԻ ԱԶԳԱՅԻՆ ԺՈՂՈՎԻ ՓՈԽՆԱԽԱԳԱՀ

0

ԵՐԵՒԱՆ, «Թերթ».- Արցախի Ազգային ժողովի փոխնախագահ Վահրամ Բալայեան «Թերթ»ի թղթակիցին հետ զրոյցի մը ընթացքին յայտնեց, որ Հայաստանի եւ Արցախի միջեւ պէտք է մշակուի եւ ստորագրուի ռազմաքաղաքական համագործակցութեան պայմանագիր:

«Որպէսզի 2 երկիրներուն միջեւ համագործակցութիւնը իրաւական հիմքերու վրայ դրուի, կը կարծեմ, որ նման պայմանագիրի անհրաժեշտութիւն կայ: Այդ պայմանագիրը պէտք է ներառէ Հայաստանի ու Արցախի պարտաւորութիւնները, համաձայնութիւնները, քաղաքական համագործակցութեան բնոյթը պատերազմի պայմաններուն մէջ, խաղաղութեան ընթացքին կամ լարուածութեան շրջանին», ըսաւ Բալայեան:

«Այս պահուն մենք ամէն ջանք  ի գործ կը դնենք Արցախի միջազգային, իրաւական ճանաչումը ապահովելու համար: Պէտք է որոշակի իրաւասութիւններու եւ պարտաւորութիւններու տարանջատում ըլլայ, որպէսզի միջազգային հանրութիւնն ալ հասկնայ, որ 2 պետութիւններու կենսական շահերէն կը բխի համագործակցութիւնը: Բնականաբար, սա չի նշանակեր, որ Հայաստանի ու Արցախի միջեւ այսօր համագործակցութիւն չկայ, բայց կը կարծեմ, որ նման պայմանագիր նոր լիցք կը հաղորդէ մեզի», եզրափակեց Վահրամ Բալայեան:

 

Share.

Leave A Reply

This site uses Akismet to reduce spam. Learn how your comment data is processed.