ԻՆՉՊԷ՞Ս ԽՆԱՄԵԼ ՄԱԶԵՐԸ

0

Բոլորս ալ կը փափաքինք առողջ, առատ մազեր ունենալ: Մազերուն խնամքը կը սկսի լուալու եւ սանտրելու ճշգրիտ ձեւերէն:  Բոլորս ալ վարսայարդարին կ’ուղղենք այսպիսի հարցումներ.

-Անհրաժե՞շտ է մազերը յաճախ լուալ: Այս հարցումին պատասխանելէ առաջ պէտք է իմանանք, թէ որքա՞ն արագ կ’իւղոտին մեր մազերը: Որոշ մարդիկ կը բաւարարուին շաբաթը մէկ անգամ լուալով իրենց մազերը, ուրիշներ ստիպուած են ամէն օր կատարել այս գործողութիւնը: Սովորական, առողջ մազեր ունենալու պարագային, անհրաժեշտ է  4 – 6 օրը անգամ մը լուալ մազերը:

նհրաժե՞շտ է մազերը լուալէ ետք, զանոնք փափուկ դարձնող յատուկ նիւթեր (պալսամներ) օգտագործել: Ոմանք կը կարծեն, թէ  իւղոտ մազեր ունեցողները պէտք չէ օգտագործեն նման նիւթեր: Իրականութիւնը այդպէս չէ, սակայն:  Այսպիսի նիւթեր խոնաւցնող յատկութիւն ունին, իսկ իւղոտ մազերը, այնպէս ինչպէս բնական կամ չոր մազերը, խոնաւեցման կարիք ունին: Մազերու խնամքին համար  կարեւոր կը համարուին նաեւ յատուկ ձէթերը:

 

Խոզանակներ

Որքան աւելի մեծ ուշադրութիւն  դարձնէք ձեր սանտրերուն ու խոզանակներուն, այնքան աւելի քիչ կը թափին ձեր մազերը: Լաւագոյն տարբերակը փայտեայ սանտրերն ու խոզանակներն են:

 

Մազերու 2018-ի Ամառնային Յատուկ Յարդարանքներ

Տաքը, ինչպէս  գիտենք, վատ ազդեցութիւն կ’ունենայ մեր մազերուն վրայ:

Ամրան պարզ սանրուածքով մը, սակայն, կարելի է պահպանել մազերուն գեղեցկութիւնն ու առողջութիւնը:

Յաճախ կայքէջերու վրայ տեղադրուած վարսայարդարման բարդ թուացող ձեւերը  կարելի է իրականացնել տան մէջ, ընձեռուած պարզ միջոցներու օգտագործումով:

Անհրաժեշտ է բարդ սանրուածքներէ ըստ կարելիութեան զերծ մնալ եւ օգտագործել պարզ ու դիւրին ձեւեր: Ազատ ձգել բնութեան կողմէ մեզի տրուած հարստութիւնը՝ մազերը, թող շրջապատն ալ հիանայ այդ գեղեցկութեամբ:

Գանգուր մազերուն յատկապէս ողորկ տեսք ու փայլք  կը հաղորդէ մազերու յատուկ իւղը, որ  միեւնոյն ատեն ունի բուժիչ ու զօրացուցիչ յատկութիւն:

Յարմար եւ Ժամանակակից Մազափունջ

Ամենաշքեղ մազերը անգամ եթէ միայն սովորական մազի կապով հաւաքէք, անհրապոյր տեսք մը կու տաք ձեր մազերուն՝ հետեւաբար եւ դէմքին: Կարելի է յատուկ ձեւեր տալ հաւաքուած մազերուն՝ զանոնք աւելի գեղեցիկ դարձնելու համար:

Հիւսքերու բազմազանութիւնն ալ հրապուրիչ տեսք կու տայ մազերուն:

Անհրաժեշտ է ընտրել ամենանուրբ հիւսքի ձեւերը, զորս կարելի է դիւրութեամբ իրականացնել: Ստորեւ քանի մը օրինակներ.

 

 

ՄՈՐԹԸ

Մորթը մարմինին բնական հագուստն է , ունի բազմաթիւ պաշտօններ։ Ինքն է որ կ’արտաքսէ քրտինքը, որ մեզի բաղադրութիւն ունի։ Մորթը հայելին է առողջութեան: Փորձառու բժիշկը միայն մորթը դիտելով կ՛ընէ իր ախտաճանաչումը։ Պէտք է շաբաթը 2 անգամ մորթը լուալ տաք ջուրով։ Ամէն օր օճառ գործածելը վնասակար է մորթին համար, որովհետեւ այսպիսով կը նուազի մորթին արտադրած իւղը, որ մորթը կը պաշտպանէ տաքին ու պաղին դէմ, ապա թէ ոչ մորթը շուտ կը ծերանայ։

Օճառին դերը պէտք է ըլլայ միայն մորթին ծակտիկներուն վրայ հաւաքուած աղտերուն մաքրումը։ Պաղ ջուրով լոքանքը, մանաւանդ ամառը, կարելի է առնել 1 կամ 2 անգամ՝ նայած մարմինին դիմացկունութեան, 25 ջերմաստիճան ջուրով, նախ ձեռքերը ապա ոտքերը, ետքը մարմինը եւ ամենավերջը գլուխը լուացէք, որովհետեւ գլխուն յանկարծակի ջուր թափելը կրնայ  անհանգստութեան պատճառ  դառնալ։

Պաղ ջուրով լոգանքէ ետք մարզանք ընելը կարեւոր է։ Մորթը երբեք խոնաւ պէտք չէ պահել, պէտք է լաւ  ցամքեցնել զայն։ Այս ցուցմունքները գործադրելով կրնանք զերծ մնալ կարգ մը հիւանդութիւններէ

 

Սոնա Տէր Պօղոսեան-Տարաքճեան

Share.

Leave A Reply

This site uses Akismet to reduce spam. Learn how your comment data is processed.