ՆՈՐ ԶԵԼԱՆՏԱՅԻ ԿԱՆԱՉՆԵՐԸ ԽՈՐՀՐԴԱՐԱՆԻՆ ԿՈՉ Կ՛ՈՒՂՂԵՆ՝ ՃԱՆՉՆԱԼՈՒ ՀԱՅՈՑ ՑԵՂԱՍՊԱՆՈՒԹԻՒՆԸ

0

ՈՒԵԼԼԻՆԿԹԸՆ.- Նորզելանտական tvnz.co.nz կայքը կը յայտնէ, որՆոր Զելանտայի Կանաչներու կուսակցութիւնը երկրի խորհրդարանին կոչ ուղղած է՝ ճանչնալու Հայոց Ցեղասպանութիւնը::

Կայքը կը յիշեցնէ, որ Թուրքիա կը ժխտէ Հայոց Ցեղասպանութիւնը եւ կը պնդէ, որ հայերը զոհ գացած են պատերազմին, եւ կը շարունակէ պնդել, որ հայ ժողովուրդը ոչնչացնելու փորձ չէ եղած:

«Մենք բազմիցս տեսած ենք, թէ ինչպէ՛ս պատմութիւնը կը կրկնուի, եւ անիկա անգամ մը եւս կրնայ տեղի ունենալ, եթէ մենք չճանչնանք մեր անցեալը», այս առթիւ յայտարարած է Նոր Զելանտայի նորակազմ Հայ Դատի Յանձնախումբի նախագահ Հուրի Ելտիզեան:

Հուրի Եըլտիզեան եւ Աւստրալիոյ Հայ Դատի Յանձնախումբի նախագահ Հայկ Գայսերեան

Կանաչներու կուսակցութեան անդամ, պատգամաւոր Կարեթ Հիւկզ կը նախատեսէ խորհրդարանի քննարկման ներկայացնել Հայոց Ցեղասպանութիւնը ճանչնալու նախագիծ մը:

«Ես կոչ կ՛ընեմ խորհրդարանին՝ աջակցելու ինծի», ըսաւ Հիւկզ:

Նշենք, որ Նոր Զելանտայի մէջ վերջերս աշխատանքի լծուած է Հայ Դատի նորակազմ յանձնախումբը, որուն նպատակը պիտի ըլլայ Հայոց Ցեղասպանութեան մասին իրազեկութեան մակարդակը բարձրացնել: Նորակազմ յանձնախումբի ղեկավարն է Հուրի Եըլտիզեան:

«Մեր առաջնահերթ նպատակներն են Նոր Զելանտայի եւ Հայաստանի միջեւ աւելի սերտ մշակութային եւ առեւտրական կապերու հաստատումը, Նոր Զելանտայի հայ համայնքի շահերու պաշտպանութիւնը, Հայոց ցեղասպանութեան եւ Արցախի անկախութեան ճանաչումը Նոր Զելանտայի կառավարութեան կողմէ», յայտնեց Եըլտիզեան:

Share.

Leave A Reply

This site uses Akismet to reduce spam. Learn how your comment data is processed.