ԳԼԽԱՒՈՐ ԴԱՏԱԽԱԶՈՒԹԻՒՆԸ ՄԵՐԺԱԾ Է ՌՈՊԷՐԹ ՔՈՉԱՐԵԱՆԻ ԽԱՓԱՆՄԱՆ ՄԻՋՈՑԸ ՓՈԽԵԼՈՒ ՊԱՏԳԱՄԱՒՈՐՆԵՐՈՒՆ ՄԻՋՆՈՐԴՈՒԹԻՒՆԸ

0

Հայաստանի Հանրապետութեան դատախազութեան հանրային կապերու բաժինի պետ Արեւիկ Խաչատրեան «Երկիր»ին հետ զրոյցի մը ընթացքին հաստատեց, որ ՀՀ գլխաւոր դատախազութիւնը մերժած է ՀՀ երկրորդ նախագահ Ռոպէրթ Քոչարեանի խափանման միջոցը անձնական երաշխաւորութեամբ փոխարինելու մասին ՀՀ Ազգային Ժողովի 45 պատգամաւորներու ներկայացուցած միջնորրդութիւնը:

Յայտնենք, որ Քոչարեանի կալանաւորման որոշումին դէմ ներկայացուած բողոքը ՀՀ վերաքննիչ քրէական դատարանին մէջ պիտի քննուի 9 Օգոստոսին: Ներկայացուած բողոքին կցուած է նաեւ պատգամաւորներու երաշխաւորութեան վերաբերեալ փաստաթուղթը:

Յիշեցնենք, որ ՀՀ պաշտօնաթող նախագահ Ռոպէրթ Քոչարեանի խափանման միջոցը անձնական երաշխաւորութեամբ փոխարինելու մասին փաստաթուղթին տակ ստորագրած է Ազգային Ժողովի 45 պատգամաւոր, որոնց կարգին` ԱԺ նախագահ Արա Բաբլոյեանն ու երկու փոխնախագահները:

 

 

 

 

 

 

Share.

Leave A Reply

This site uses Akismet to reduce spam. Learn how your comment data is processed.