ՍՈՒՐԻԱ ԽՍՏԻՒ ԿԸ ԴԱՏԱՊԱՐՏԷ ԹԵՀՐԱՆԻՆ ՏՆՏԵՍԱԿԱՆ ՊԱՏԺԱՄԻՋՈՑՆԵՐ ՍԱՀՄԱՆԵԼՈՒ ԱՄՆ-Ի ՈՐՈՇՈՒՄԸ

0

Երեքշաբթի, 7 Օգոստոս 2018-ին, Սուրիոյ Արտաքին Գործոց Նախարարութիւնը հանդէս եկաւ յայտարարութեամբ մը՝ յայտնելով որ. «Սուրիա խստիւ կը դատապարտէ  Թեհրանի տնտեսական պատժամիջոցներ սահմանելու ԱՄՆ-ի որոշումը»:

Նախարարութիւնը աւելցուց. «Այս անօրէն, միակողմանի պատժամիջոցները անգամ մը եւս կը հաստատեն ամերիկեան վարչակազմին բռնատիրական քաղաքականութիւնը, յատկապէս այն քայլէն ետք, երբ ան, յետս կոչելով Իրանի հետ հիւլէական համաձայնագիրը, ամբողջ աշխարհը իր վստահելիութիւնը անոր հանդէպ կորսնցուց»:

Նախարարութիւնը իր յայտարարութիւնը եզրափակելով ըսաւ. «Սուրիա կը վերահաստատէ իր զօրակցութիւնը Իրանի Իսլամական Հանրապետութեան՝ ԱՄՆ-ի քաղաքականութեան դէմ իր պայքարին մէջ ու համոզուած է, որ Իրան իր ղեկավարութեամբ եւ ժողովուրդով պիտի յաղթահարէ ԱՄՆ-ի պարտադրած պատժամիջոցին հետեւանքները»:

Share.

Leave A Reply

This site uses Akismet to reduce spam. Learn how your comment data is processed.