ՃԱԱՖԱՐԻ. «ՍՈՒՐԻՈՅ ՊԵՏՈՒԹԻՒՆԸ ԿԸ ԽՐԱԽՈՒՍԷ ՍՈՒՐԻԱՑԻ ՓԱԽՍՏԱԿԱՆՆԵՐՈՒՆ ՎԵՐԱԴԱՐՁԸ ՍՈՒՐԻԱ»

0

Երկուշաբթի, 6 Օգոստոս 2018-ին, ՄԱԿ-ի մօտ Սուրիոյ մնայուն ներկայացուցիչ դոկտ. Պաշշար ալ Ճաաֆարի հաստատեց. «սուրիական պետութիւնը կը խրախուսէ Սուրիացի փախստականներուն վերադարձը Սուրիայ»:

Ճաաֆարի, «Ալ Ասատ» Ազգային Գրադարանի մէջ կայացած  30-րդ  միջազգային գիրքի ցուցահանդէսէն ետք, դասախօսութիւն  մը տուաւ՝ «ՄԱԿ-ը եւ սուրիական տագնապը» վերնագրով, որուն ընթացքին  ան լրագրողներուն յայտնեց, որ  սուրիացիներուն վերադարձը ոչ միայն Սուրիոյ կառավարութենէն կախեալ խնդիր  մըն է, այլեւ շատ մը պետութիւններէ, որոնք Սուրիոյ ժողովուրդին վրայ տնտեսական միակողմանի պատժամիջոցներ պարտադրեցին:Միակողմանի  այս դիրքորոշումները չեն հիմնուած  ՄԱԿ-ի անվտանգութեան խորհուրդի որոշումին վրայ»:

Ճաաֆարի յայտեց, եթէ յիշեալ պատժամիջոցները վերանան, այդ պարագային Սուրիոյ մէջ տնտեսական եւ ընկերային հարթակներուն վրայ ճնշումները պիտի նուազին:

Share.

Leave A Reply

This site uses Akismet to reduce spam. Learn how your comment data is processed.