ՎԱՐՉԱՊԵՏԻՆ ՅԱՆՁՆԱՐԱՐՈՒԹԵԱՄԲ ԿԸ ՎԵՐԱՆԱՅՈՒԻ ԱՊՐԻԼԵԱՆ ՄԱՐՏԱԿԱՆ ԳՈՐԾՈՂՈՒԹԻՒՆՆԵՐՈՒ ՄԱՍՆԱԿԻՑՆԵՐՈՒՆ ՑԱՆԿԸ

0

9 Օգոստոսին Հայաստանի Հանրապետութեան վարչապետ Նիկոլ Փաշինեանի խորհրդական Նիկոլայ Պաղտասարեան եւ Պաշտպանութեան Նախարարութեան մարդու իրաւունքներու եւ բարեկարգութեան կեդրոնի պետ Ալեքսանտր Աւետիսեան ընդունած են զօրացրուած խումբ մը զինուորներ, որոնք պահանջած են զինուորական գրքոյկներուն մէջ արձանագրել՝ 2016-ի ապրիլեան քառօրեայ պատերազմին իրենց մասնակցութեան փաստը։

Հանդիպումին մասնակիցներուն ներկայացուած են Ապրիլ 2016-ին տեղի ունեցած պատերազմին առնչուող իրաւական դրոյթները, զինուորական գրքոյկներու մէջ պատերազմին մասնակցութիւնը հաստատող արձանագրութիւններուն կարգը։

Զօրացրուած զինուորները իրենց կարգին ներկայացուցած են հիմնաւորումները առ այն, որ որոշակի մասնակցութիւն ունեցած են ապրիլեան քառօրեայ գործողութիւններուն, մինչդեռ զինուորական գրքոյկներուն մէջ որեւէ արձանագրութիւն չէ պահուած այդ մասին։

Նիկոլայ Պաղտասարեան տեղեկացուցած է, որ վարչապետին յանձնարարութեամբ յառաջիկային պիտի ուսումնասիրուին ապրիլեան մարտական գործողութիւններուն մէջ ներգրաւուած ստորաբաժանումներու փաստաթուղթերը, յատկապէս պիտի վերանայուի մասնակիցներուն ցանկը, որուն շնորհիւ ալ ուշադրութեան արժանանան զօրացրուած երիտասարդներուն առաջարկները։

Share.

Leave A Reply

This site uses Akismet to reduce spam. Learn how your comment data is processed.