ԱՐՑԱԽԷՆ ԵՒՍ ՊԻՏԻ ՄԱՍՆԱԿՑԻՆ ՆԻԿՈԼ ՓԱՇԻՆԵԱՆԻ` 17 ՕԳՈՍՏՈՍԻՆ ՀՐԱՒԻՐԱԾ ԺՈՂՈՎՐԴԱՅԻՆ ՀԱՒԱՔԻՆ

0

Արցախի մէջ գործող «Յանուն Արցախի» երիտասարդական հասարակական կազմակերպութիւնը կը յայտնէ, որ Արցախէն եւս պիտի մասնակցին վարչապետութեան 100 օրուան առիթով ՀՀ վարչապետ Նիկոլ Փաշինեանի՝ 17 Օգոստոսին հրաւիրած ժողովրդային հաւաքին:
«Այսօր աւելի քան երբեք հայ ժողովուրդը միասնական է և Մայր Հայրենիքին մէջ սկսած քաղաքական դէպքերուն հետ կը կապէ իր լուսաւոր ապագան:

Այս շրջագիծէն ներս, մեր համոզումով, Արցախը չի կրնար անմասն մնալ այդ գործընթացներէն, յատկապէս որ վերջին փոփոխութիւնները, կարծէք թէ, բախտորոշ շրջադարձ կ՚ուրուագծեն նաեւ բանակցային գործընթացին համար: Առնե՛նք մեր քայլը», ըսուած է կազմակերպութեան յայտարարութեան մեջ։

«Յանուն Արցախի» երիտասարդական հասարակական կազմակերպութիւնը կը յայտնէ նաև, որ միջոցներ կը հայթայթէ Երեւան քաղաքի մէջ հանրահաւաքին ներկայ գտնուիլ փափաքող բոլոր երիտասարդներու մասնակցութեան ծախսերը հոգալու համար։

ՀՀ վարչապետ Նիկոլ Փաշինեան 17 Օգոստոսին՝ ժամը 18:30-ին, Երեւանի Հանրապետութեան հրապարակին վրայ ժողովրդային հաւաքի հրաւիրած է՝ ներկայացնելու իր 100-օրեայ պաշտօնավարման արդիւնքները:

Share.

Leave A Reply

This site uses Akismet to reduce spam. Learn how your comment data is processed.