ՄԱՐԶԱԿԱՆ՝ ՕԳՈՍՏՈՍ Գ./2018

0

ՀԱՅԿԱԿԱՆ

 

ԼԵՒՈՆ ԱՐՈՆԵԱՆ ԿԸ ՄԱՍՆԱԿՑԻ ՍԵՆԹ ԼՈՒԻՍԻ ՄՐՑԱՇԱՐՔԻՆ

Հայկական ճատրակի առաջատար, աշխարհի ախոյեան Լեւոն Արոնեան կը մասնակցի Սենթ Լուիսի ճատրակի մրցաշարքին:

Առաջին փուլին կրոսմայսթըրներուն միջեւ արագ ճատրակի 3 մրցում տեղի ունեցած է: Արոնեան երկուքը աւարտած է հաւասար արդիւնքով, իսկ մէկուն պարտութիւն կրած է:

Այժմ Արոնեան ունի 2 կէտ եւ մրցաշարքի 7-րդ դիրքը կը գրաւէ: Առաջին դիրքը 6 կէտով գրաւած է Ֆապիանու Քարուանան:

 

ՄԻՋԱԶԳԱՅԻՆ

ՊԱՐՍԵԼՈՆԱ 13-ՐԴ ԱՆԳԱՄ ԸԼԼԱԼՈՎ ՍՊԱՆԻՈՅ «ՍՈՒՓԸՐ ԲԱԺԱԿ»Ի ԱԽՈՅԵԱՆ ԴԱՐՁԱՒ

Սպանիոյ «Սուփըր Բաժակ»ի խաղին Պարսելոնա 2:1 արդիւնքով յաղթեց Սեւիլիային:

Մարոքի Թանժա քաղաքին մէջ տեղի ունեցած հանդիպումը ընթացաւ սուր պայքարով:

Հանդիպումի 9-րդ վայրկեանին, Սարապիա խաղի առաջին կոլը նշանակեց:

Առաջին կիսախաղի վերջաւորութեան Մեսսիի տուգանային հարուածէն ետք, գնդակը ձողէն վերադարձաւ ու Ժերար Փիքէ  վեստին խփելով զայն խումբերը հաւասարեցան՝ 1:1:

79-րդ վայրկեանին, Օսման Տեմպելէ փայլուն կոլ մը նշանակեց՝ 2:1 արդիւնքով յառաջ մղելով Պարսելոնան:

Մրցումի վերջին վայրկեանին, իրաւարարը 11 մեթրնոց հարուած յատկացուց Սեւիլիային: Սակայն Պեն Ետեր անյաջող հարուած մը ուղղեց եւ Պարսելոնայի բերդապահը որսաց գնդակը:

Պարսելոնան նուաճեց պատմութեան մէջ իր 13-րդ բաժակը:

Յատկանշական է, որ Լիոնել Մեսսին դարձաւ Պարսելոնայի պատմութեան ամենաշատ տիտղոսներ կրող ֆութպոլիստը.

 

ՊԱՅՐԸՆ ՄԻՒՆԻԽ ԴԱՐՁԱՒ ԳԵՐՄԱՆԻՈՅ «ՍՈՒՓԸՐ ԲԱԺԱԿ»Ի ԱԽՈՅԵԱՆ 

Գերմանիոյ «Սուփըր բաժակ»ի խաղին Պայրըն Միւնիխ 5:0 արդիւնքով յաղթեց Այնթրախթ Ֆրանքֆուրթին:

Ռոպէրթ Լեւանտովսկի արձանագրեց  երեք կոլ 21-րդ, 26-րդ եւ 54-րդ վայրկեաններուն: Մէկական կոլ արձանագրեցին նաեւ Քոմըն (63-րդ վայրկեանին) եւ Թիակօ Ալքանթարա (85-րդ վայրկեանին):

Միւնեխի նոր նշանակուած մարզիչ Նիքօ Քովաչ առաջին տիտղոսը նուաճեց այս խումբին հետ:

Յատկանշական է, որ մարզիչը յաղթեց իր նախկին խումբին:

Պայրըն Միւնիխ պատմութեան մէջ 7-րդ անգամն է, որ կը դառնայ երկրի «սուփըր բաժակ»ի ախոյեան:

Ղազար Ղազարեան

Share.

Leave A Reply

This site uses Akismet to reduce spam. Learn how your comment data is processed.