ԱԶՐՊԷՅՃԱՆԱԿԱՆ 15 ՀՈԳԻՆՈՑ ԽՈՒՄԲ ՄԸ ՅԱՐՁԱԿՄԱՆ ՓՈՐՁ ԿԱՏԱՐԱԾ Է

0

17 Օգոստոսին, ժամը 00:00-ի շուրջ, թշնամիի 15 հոգինոց խումբ մը յարձակման փորձ կատարած է Արցախի պաշտպանութեան բանակի հիւսիսային հատուածին վրայ տեղակայուած մարտական դիրքերէն մէկուն ուղղութեամբ:
Արցախի Հանրապետութեան Պաշտպանութեան Նախարարութեան մամլոյ ծառայութեան փոխանցած տեղեկութիւններով` պաշտպանութեան բանակի դիրքապահ ստորաբաժանումները ժամանակին նկատած են թշնամիի նախայարձակ խումբին գործողութիւնները եւ վերջիններս ետ շպրտած իրենց ելման դիրքերը:
Տեղի ունեցած փոխհրաձգութեան ընթացքին պաշտպանութեան բանակը որեւէ կորուստ չէ ունեցած:
Թշնամիին ունեցած կորուստներուն մասին տուեալները կը ճշդուին:
Ըստ «Արմէնփրես» ի, անդրադառնալով պաշտպանութեան բանակի դիրքերէն մէկուն վրայ թշնամիին ձախողած յարձակման փորձին, Արցախի Հանրապետութեան նախագահի մամլոյ բանբեր Դաւիթ Բաբայեան ըսած է, թէ թշնամին պարբերաբար կը դիմէ նման քայլերու` ստուգելու հայկական կողմին պատրաստուածութիւնը եւ զգօնութիւնը:

Share.

Leave A Reply

This site uses Akismet to reduce spam. Learn how your comment data is processed.