ՀԱՅ ԴԱՏԻ ՅԱՆՁՆԱԽՈՒՄԲԻ ՊԱՏՈՒԻՐԱԿՈՒԹԻՒՆԸ ՀԱՆԴԻՊՈՒՄ ՈՒՆԵՑԱԾ Է ՔԱՆԱՏԱՅԻ ՓՈՔՐ ԱՌԵՒՏՈՒՐԻ ԵՒ ԱՐՏԱՀԱՆՄԱՆ ԽԹԱՆՄԱՆ ՆԱԽԱՐԱՐԻՆ ՀԵՏ

0

Հայ Դատի Կեդրոնական Խորհուրդը կը տեղեկացնէ, որ Քանատայի Հայ Դատի Յանձնախումբի պատուիրակութիւնը հանդիպում ունեցած է Քանատայի փոքր առեւտուրի եւ արտահանման խթանման նախարար Մարի Նկանի հետ: Պպատուիրակութեան մաս կազմած են Շահէն Միրաքեան, Սեւակ Պէլեան եւ Մարիանա Դաւիթեան:
Մէկ ժամ տեւած հանդիպումի ընթացքին, Քանատայի Հայ Դատի Յանձնախումբի պատուիրակութեան անդամները նախարարին ներկայացուցած են յանձնախումբի աշխատանքները եւ Քանատայի հայկական համայնքին պատմութիւնը:
Միտքեր փոխանակուած են եւ արդիւնաւէտ քննարկումներ տեղի ունեցած փոքր առեւտուրի եւ արտահանման խթանման ուղղութեամբ Քանատայի կառավարութեան որդեգրած քաղաքականութեան, Քանատայի Հայ Դատի Յանձնախումբի յառաջիկայ նախաձեռնութիւններուն, հայ-քանատական երկկողմանի յարաբերութիւններուն, Արցախի մէջ տիրող իրավիճակին շուրջ:
Քննարկուած են նաեւ Երեւանի մէջ տեղի ունենալիք Ֆրանսախօս Երկիրներու Միջազգային վեհաժողովին, ինչպէս նաեւ Քանատայի Հայ Դատի Յանձնախումբի քաղաքականութեան առաջնահերթութիւններուն հետ կապուած հարցեր:
Կողմերը համաձայնած են շարունակել համագործակցութիւնը քննարկուած հարցերու եւ Քանատայի հայ համայնքին առնչուող հարցերու շուրջ:

Share.

Leave A Reply

This site uses Akismet to reduce spam. Learn how your comment data is processed.