ՓՈՒԹԻՆ-ՄԵՐՔԷԼ ՀԱՆԴԻՊՈՒՄԻՆ ՄԱՆՐԱՄԱՍՆՕՐԷՆ ՔՆՆԱՐԿՈՒԱԾ Է ՍՈՒՐԻՈՅ ՀԱՐՑԸ

0

ԹԱՍՍ լրատու գործակալութիւնը կը հաղորդէ, որ Ռուսաստանի նախագահի մամլոյ քարտուղար Տիմիթրի Փեսքով յայտնած է, որ Գերմանիան, Ռուսաստանը, Ֆրանսան եւ Թուրքիան կը շարունակեն քննարկել սուրիական հարցին լուծումը: Քառեակի ձեւաչափը քննարկուած է Ռուսաստանի նախագահ Վլատիմիր Փութինի եւ Գերմանիոյ վարչապետ Անկելա Մերքէլի հանդիպումին:
«Որոշուած է այս ձեւաչափով երկխօսութիւնը շարունակել փորձագիտական մակարդակի մակարդակի վրայ, որպէսզի, կարելի ըլլայ, յառաջիկային քննարկումներու մակարդակը աւելի բարձրացնել», ըսած է Փեսքով՝ պատասխանելով յառաջիկային 4 ղեկավարներու գագաթնաժողովի գումարման կարելութեան մասին հարցումին: Ան աւելցուցած է, որ առայժմ որեւէ համաձայնութիւն չէ գոյացած:
Նախապէս տեղեկութիւն տարածուած էր, որ Ռուսաստան-Թուրքիա-ֆրանսա-Գերմանիա գագաթնաժողովը կարելի տեղի ունենալ 7 Սեպտեմբերին, Իսթանպուլի մէջ: Հանդիպումին առաջարկը ներկայացուցած էր Թուրքիոյ նախագահը:
Մերքէլ-Փութին հանդիպումին անդրադարձ կատարուած է նաեւ փախստականներու հարցին: Փութին եւրոպական պետութիւններու ղեկավարներուն կոչ ուղղած է աշխուժօրէն նպաստելու սուրիացի փախստականներու իրենց բնակավայրեր վերադարձին:
Փեսքով յայտնած է, որ Փութին ու Մերքէլ մանրմասնօրէն քննարկած են սուրիական հարցը:

Share.

Leave A Reply

This site uses Akismet to reduce spam. Learn how your comment data is processed.