ԳԻՏՆԱԿԱՆՆԵՐ ՃՇԴԱԾ ԵՆ ԱՐՁԱԿՈՒՐԴԻ ԱՄԵՆԱՏՐԱՄԱԲԱՆԱԿԱՆ ՏԵՒՈՂՈՒԹԻՒՆԸ

0

Առողջապահութեան համաշխարհային կազմակերպութեան մասնագէտները ճշդած են արձակուրդի ամենատրամաբանական տեւողութիւնը: Բժիշկներուն համաձայն՝ ուժը լիարժէք վերականգնելու համար օրկանիզմին առնուազն երեք շաբթուան հանգիստ պէտք է:

Աւելի կարճ արձակուրդ առնելու պարագային կարելի չէ հանգստանալ եւ հետագային աւելի լաւ աշխատիլ: Սակայն վերջերս Հոլանտայի Նեյմեհանի համալսարանի գիտնականները կատարած են գիտական փորձ մը, որուն 54 մարդ մասնակցած է։ Փորձի մասնակիցները տարբեր տեւողութեամբ արձակուրդի  մեկնած են՝ 15-էն մինչեւ 34 օր։

Անոնց ինքնազգացողութեան եւ տրամադրութեան մասին հարցումներ ուղղած են նախքան իրենց մեկնիլն ու մեկնելէն ու վերադառնալէն ետք։ Համադրելով արդիւնքները, գիտնականները հասած են այն եզրակացութեան, որ արձակուրդը պէտք է բաժնել  քանի մը մասի, քանի որ կարճ արձակուրդները աւելի լաւ կը յիշուին եւ աւելի դրական զգացողութիւն կը յառաջացնեն: Այդ պատճառով ալ, առաւելագոյն ուժը կուտակելու համար պէտք է տարեկան առնուազն երեք անգամ հանգստանալ՝ արձակուրդի մեկնելով:

 

ԱՌԱՋԻՆ ԱՆԳԱՄ Ի՞ՆՉ ԿԸ ՏԵՍՆԷՔ ՊԱՏԿԵՐԻՆ ՄԷՋ

1.-Կամուրջ. Ձեր կեանքը լի է փոփոխութիւններով ու բարդ պահերով: Անհրաժեշտ է յաղթահարել դժուարութիւնները: Իմաստուն, փորձառու մարդ էք: Սովորաբար ամէն բան դրական աւարտ կ’ունենայ ձեզի համար՝ շնորհիւ ձեր ջանքերուն:

2.-Ուղղութիւններով Նաւակ. Աշխոյժ էք ամէն բանի մէջ: Ձեզի համար կարեւոր է բազմակողմանի զարգացումը, միշտ կը ձգտիք բարելաւել ձեր կեանքը: Կը տեսնէք հեռուն,  կը ձգտիք հասնիլ անոր: Հանգիստի ժամեր կ’ունենաք յաճախ, բայց չէք հանդուրժեր անգործ մնալը: Բնաւ չէք արդարացներ այն  մարդիկը, որոնք յաճախ կը դժգոհին կեանքէն, սակայն ոչինչ կ’ընեն զայն աւելի լաւ դարձնելու համար:

3.-Կարմիր բնապատկեր տան շուրջ. Կը սիրէք գեղեցկութիւնն ու կարգ ու կանոնը: Միշտ կոկիկ տեսք ունիք: Կը փափաքիք որ ամէն բան գեղեցիկ տեսք ունենայ, պատշաճ վիճակի մէջ ըլլայ: Մարդոց չէք ներկայացներ ձեր անձնական հարցերը: Չէք քննադատեր մարդոց արարքները, չէք ալ ուզեր, որ մարդիկ ձեր արարքները քննադատեն: Կ’ուզէք միշտ դրական կերպար ըլլալ ձեր ընկերութեան մէջ:

4.-Տուն. Հոգատար էք, պատասխանատու: Մտերիմներու բարեկեցութիւնը կարեւոր է ձեզի համար: Շատ մեծ ջանք  կը թափէք, որպէսզի ընտանիքի իւրաքանչիւր անդամ հանգիստ ու յաջող կեանք ունենայ: Հոգատար էք ձեր մտերիմներուն նկատմամբ:

5.-Թռչուններ. Ձեզի համար կարեւոր է անկախ ու ազատ ըլլալը: Ոչ ոքէ հաշուետուութիւն կը պահանջէք, չէք փափաքիր ձեր միջավայրը տեղեակ պահել ձեր ծրագիրներուն ու նպատակներուն: Անձնական, ազատ աշխատանքը կարեւոր է ձեզի համար: Ընկերութեան ծառայելու կոչուած մարդ չէք, ունիք ձեր անձնական ճաշակը, սկզբունքները, կանոնները: Չեք ընդունիր սովորութիւնները, չէք սիրեր պարտականութիւններ ստանձնել: Իւրաքանչիւր հարցի մասին ձեր անձնական կարծիքը ունիք:

6.-Մայրամուտ, ծով. Զգացական էք, կը սիրէք բոլոր հրաշալի երեւոյթները: Բնական մարդ էք, կը սիրէք բնութիւնը, կը գնահատէք գեղեցկութիւնը: Ստեղծագործ մարդ էք, բացասական երեւոյթները վատ անդրադարձ կ’ունենան ձեր վրայ: Լարուած ու ջղային մարդոցմէ յաճախ կը խուսափիք:

7.-Ժայռեր. Կայունութիւնն ու ամրութիւնը կարեւոր են ձեզի համար: Կ’ըմբռնէք եւ կը գնահատէք կայուն յարաբերութիւնները: Չէք նախընտրեր բամբասոտ մարդոց հետ գործ ունենալ կամ բարեկամանալ: Ձեզի համար կարեւոր է ձեր որոշումներուն մէջ հաստատ մնալը: Ուժեղ մարդ էք, յամառ՝ ձեր ձգտումները իրականացնելու իմաստով: Չէք հանդուրժեր ստախօսութիւնն ու փոփոխամիտ անհատները: Պահանջկոտ էք դուք ձեզ նկատմամբ, խիստ՝ մարդոց հանդէպ:

 

 

Share.

Leave A Reply

This site uses Akismet to reduce spam. Learn how your comment data is processed.