ՀԱՊԿ-Ի ԵՒ ԵՏՄ-Ի ԱԶՐՊԷՅՃԱՆԻ ԱՆԴԱՄԱԿՑՈՒԹԵԱՆ ՀԱՐՑԸ ԴԻՏԱՐԿԵԼՈՒ ՊԱՐԱԳԱՅԻՆ ՀԱՅԱՍՏԱՆ ՊԻՏԻ ՕԳՏԱԳՈՐԾԷ ՎԵԹՈՅԻ ԻՐ ԻՐԱՒՈՒՆՔԸ

0

Երեւան, «Արմէնփրէս».- Հաւաքական Անվտանգութեան Պայմանագիրի Կազմակերպութեան (ՀԱՊԿ) եւ Եւրասիական Տնտեսական Միութեան (ԵՏՄ) Ատրպէյճանի անդամակցութեան հարցը դիտարկելու պարագային Հայաստան պիտի օգտագործէ վեթոյի իր իրաւունքը:
28 Օգոստոսին տեղի ունեցած զրոյցի մը ընթացքին այս մասին ըսաւ Հայաստանի Հանրապետութեան Արտաքին Գործոց Նախարարութեան մամլոյ բանբերի ժամանակաւոր պաշտօնակատար Աննա Նաղդալեան` անդրադառնալով այն դիտարկման, թէ տարբեր շրջանակներու մէջ խօսակցութիւններ կը շրջանառուին ՀԱՊԿ-ին եւ ԵՏՄ-ին Ատրպէյճանի հաւանական անդամակցութեան մասին:
«Վերլուծական շրջանակներուն մէջ այդպիսի քննարկումներ իսկապէս տեղի կ՛ունենան, բայց այդ շրջանակներուն մէջ քննարկումները կ՛իրականացուին ենթադրեալ տեղեկատուութեան հիման վրայ: Ես բարձրաձայնեմ Հայաստանի արտաքին գործոց նախարարութեան պաշտօնական դիրքորոշումը. եթէ նման հարց դիտարկուի, Հայաստան պիտի օգտագործէ վեթոյի իր իրաւունքը», ընդգծեց ան:
Նաղդալեան յստակացուց, որ ՀԱՊՀ-ի եւ ԵԱՀԿ-ի մէջ որոշումները կը տրուին համաձայնութեան հիման վրայ: «Մենք այս առումով մեր դիրքորոշումը յայտնած ենք, եւ այդ դիրքորոշումը երկակի մեկնաբանութիւններու տեղիք չի տար: Այդ դիրքորոշումը յստակ բարձրաձայնուած է արտաքին գործոց նախարար Մնացականեանի կողմէ», եզրափակեց Աննա Նաղդալեան:

Share.

Leave A Reply

This site uses Akismet to reduce spam. Learn how your comment data is processed.