5 ՄԹԵՐՔՆԵՐ, ՈՐՈՆՔ ԵՐԱԿՆԵՐԸ ԽՑԱՆՈՒՄԷ ԵՒ  ԱՐԻՒՆԸ ՄԱԿԱՐԴՈՒՄԷ ԶԵՐԾ  ԿԸ ՊԱՀԵՆ

0

Արեան մակարդումի հարցը պատճառ կրնայ դառնալ երակներու  խցանումին կամ վարիզի յառաջացումին:

Գիտնականներուն համաձայն, գոյութիւն ունին  5 մթերքներ, որոնք կրնան մեզ  զերծ պահել նման հարցերէ։

ՁԻԹԱՊՏՈՒՂԻ ԻՒՂ

Կը պարունակէ մեծ քանակով Օմեկա-3  ճարպաթթուն եւ  Е կենսանիւթը։

Հաղարջ

Հաղարջի զանազան տեսակներ գոյութիւն ունին` սեւը, կարմիրը եւ ճերմակը: Հաղարջը կը բուսնի Եւրոպայի եւ Ասիոյ մէջ:

Կարմիր ու ճերմակ հաղարջը աւելի քաղցր է, քան սեւ հաղարջը, սակայն սեւը աւելի հարուստ է սննդական տարրերով: Անիկա կրկնակի անգամ կը պարունակէ կենսանիւթ A եւ հինգ անգամ աւելի կենսանիւթ C: Իսկ հաղարջի բոլոր տեսակները կը պարունակեն կարգ մը հանքային աղեր, ինչպէս` քալսիոմ, ֆոսֆոր եւ փոթասիոմ:

Հաղարջի երեք տեսակներն ալ կ’իյնան սննդարար պտուղներու ցանկին մէջ, որովհետեւ բուժելու յատկութիւն ունին:

Բժիշկներ կը յայտնեն, որ ի մասնաւորի սեւ հաղարջը մարմնի գեղձերը կը մաքրէ, ուժ կու տայ լեարդին եւ փայծաղին, որպէսզի լաւ ձեւով գործեն: Ան նաեւ օգտակար է մարմնէն դուրս վանելու համար թոյները` քրտինքի միջոցով:

Կոճապղպեղ

Կը պաշտպանէ արիւնը լերդացումէ եւ կը նուազեցնէ արեան շաքարին քանակը։

Ընկոյզներ եւ սերմեր

Այս մթերքները կը պարունակեն մեծ քանակով օմեկա-3 ճարպաթթու,  E եւ B կենսանիւթեր։

Կասիա

Կը կարգաւորէ արեան ճնշումը։ Կը բուժէ ներքին բորբոքումները։

 

ՄԻՆՉԵՒ Ո՞Ր ՏԱՐԻՔԸ ՄԱՅՐԱԿԱՆ ԿԱԹՈՎ ՍՆՈՒՑԱՆԵԼ ՄԱՆՈՒԿԸ

Մասնագէտներ կը յայտնեն, թէ մինչեւ ո՞ր տարիքը կարելի է եւ անհրաժեշտ է մայրական կաթով սնուցանել մանուկը։

Այս հարցը յաճախ ինչպէս մասնագէտներուն, այնպէս ալ կուրծքի կաթով իրենց մանուկները կերակրող մայրերուն մօտ տարաձայնութիւններու առիթ կը ստեղծէ։

Գոյութիւն ունին գիտական բազմաթիւ հետազօտութիւններ, որոնք կը հաստատեն մայրական կաթին օգտակարութիւնն ու առողջարար յատկութիւնը։ Վերջին հետազօտութիւնները ցոյց կու տան, որ կուրծքի կաթին բաղադրութիւնը եւ որակը անընդհատ կը փոխուին։

Կուրծքի կաթով կերակրելու  գործընթացը ոչ միայն կուշտ, այլեւ առողջ կը պահէ մանուկը, զինք զերծ պահելով շատ մը հիւանդութիւններէ։

Մայրական կաթով սնուցանելը մօր եւ որդիին միջեւ անփոխարինելի յարաբերական կապ մը կը ստեղծէ, որ կը նպաստէ անոնց յուզական եւ հոգեբանական դաշտի ամրապնդման եւ օգտակար կը համարուի երկուքին առողջութեան։

Հոգեբաններ կը յայտնեն, որ մանուկը պէտք է մայրական կաթով սնուցանել մինչեւ 1-1,2 տարեկան։

Անոնց կարծիքով, այդ տարիքի մանուկները, ունենալով համապատասխան ակռաներ, կը սկսին ուտել այլ կերակրատեսակներ։

Անկախ սնունդէն, այդ տարիքին մանուկին վերաբերմունքը մօր հանդէպ  պէտք չէ ըլլայ որպէս սննդատուի, այլ որպէս հեղինակութեան մը, որ ունակ է ոչ միայն կերակրելու այլեւ պաշտպանելու, սորվեցնելու, ուղղորդելու, խորհուրդ տալու մանուկին։

Մասնագէտներ կը հաստատեն, որ առաջին 6 ամիսներուն, երբ երեխան կը սնանի մայրական կաթով իր ուժեղ օրկանիզմը կը կառուցէ, պաշտպանական համակարգը կը ձեւաւորէ, ինչպէս նաեւ շրջակայ միջավայրին յարմարելու բնազդը կը զօրացնէ։

Այնուամենայնիւ, մայրական կաթով կերակրելու տեւողութեան հիմնական գործօնը պէտք է ըլլայ մօր եւ անոր  մանուկին յարմարաւէտութիւնը: Ի վերջոյ, մարդիկ տարբեր են եւ ոչ ոք կը զգայ մանուկին իսկական պահանջքը այնքան, որքան մայրը:

 

 

Share.

Leave A Reply

This site uses Akismet to reduce spam. Learn how your comment data is processed.