ՅՈՒՂԱՐԿԱՒՈՐՈՒԹԻՒՆ` ԱՆԱՐԳ ՈՃԻՐԻ ԶՈՀ ԳԱՑԱԾ ԽՈՍՐՈՎ ՔԻՒՐՏԵԱՆԻՆ

0

«Ազդակ».- Ուրբաթ օր Պուրճ Համուտի կեդրոնական թաղերէն մէկուն մէջ հայորդիներու եւ թաղեցիներու միջեւ պատահած միջադէպին ընթացքին անարգ ոճիրի զոհ գնաց Խոսրով Քիւրտեան:

Կիրակի օր կատարուեցաւ Խոսրով Քիւրտեանի յուղարկաւորութեան արարողութիւնը` Նոր Մարաշի Սրբոց Քառասնից Մանկանց եկեղեցւոյ մէջ, ներկայութեամբ ՀՅԴ Լիբանանի Կեդրոնական Կոմիտէի ներկայացուցիչ, երեսփոխան Յակոբ Բագրատունիի, զբօսաշրջութեան նախարար Աւետիս Կիտանեանի, Հայկական երեսփոխանական պլոքի անդամ, երեսփոխան Յակոբ Թէրզեանի, Պուրճ Համուտի քաղաքապետ Մարտիկ Պօղոսեանի, Ազգային իշխանութեանց պատասխանատուներու ու շրջանի հայորդիներու հոծ բազմութեան մը:

ՀՅԴ «Սարդարապատ» կոմիտէին անունով դամբանական խօսք արտասանեց Սագօ Մարտիրոսեան, որ դրուատեց ոճիրի զոհ գացած հայորդիին ազգային բարձր գիտակցութիւնը` նշելով, որ հակառակ անոր որ Խոսրով Քիւրտեան կուսակցական չէ եղած, սակայն լիբանանեան քաղաքացիական պատերազմին ընթացքին Դաշնակցութեան ընդմէջէն մասնակցած է Պուրճ Համուտի հայկական թաղերու ինքնապաշտպանութեան: Այդ ընթացքին ալ ծանր կերպով վիրաւորուած է: Տիպար հայ մարդ, ան միշտ եղած է ՀՅԴ-ի կողքին եւ ընդառաջած է անոր բոլոր կոչերուն: Մարտիրոսեան մաղթեց, որ հանգուցեալին հոգին միանայ Դաշնակցութեան մեծ նահատակներու հոգիներուն:

Share.

Leave A Reply

This site uses Akismet to reduce spam. Learn how your comment data is processed.