ՀԱԼԷՊԻ ԱԶԳԱՅԻՆ ՄԱՆԿԱՊԱՐՏԷԶԻՆ ԴՈՒՌԸ ՈՍԿԵԱՅ ԲԱՆԱԼԻՈՎ ԲԱՑՈՒԵՑԱՒ

0
Երկուշաբթի, 3 Սեպտեմբեր 2018-ին, Հալէպի Ազգ. Մանկապարտէզէն ներս խանդավառ մթնոլորտ կը տիրէր: Մանկապարտէզը յարդարուած էր վերամուտի գունազարդ պատկերներով ու բարի գալուստի պաստառներով: Մանկապարտիզպանուհի Նուշիկ Օհանեան-Չաքրեան նախ աշակերտները ծանօթացուց ուսուցչուհիներուն, ապա ոսկեայ բանալիով բացաւ գիտութեան ու հայեցի դաստիարակութեան կեդրոնին՝ Ազգային Մանկապարտէզին դուռը՝ բաց յայտարարելով 2018-2019 ուսումնական տարեշրջանի վերամուտը:
 
Ուսուցչուհիները երգերով ու բարի մաղթանքներով աշակերտները մասնակից դարձուցին վերամուտի տօնական այս մթնոլորտին:
Բերիոյ Հայոց Թեմի Առաջնորդին այցելութիւնը, Ուսումնական Խորհուրդին եւ Ազգ. Վարչութեան ներկայացուցիչներուն ընկերակցութեամբ, ոգեւորեց փոքրիկները:
 
Գերշ. Սրբազան Հայրը օրհնութեան իր խօսքով եւ քաջալերական յորդորներով բարի վերամուտ մաղթեց բոլորին ու մտերմիկ զրոյցով աշակերտներուն ուրախութիւնը բաժնեց՝ իւրաքանչիւրին տպաւորութեան եւ զգացումներուն հաղորդակից դառնալով:
Share.

Leave A Reply

This site uses Akismet to reduce spam. Learn how your comment data is processed.