ՀԱԼԷՊԻ ԱԶԳ. ՄԻԱՑԵԱԼ ՆԱԽԱԿՐԹԱՐԱՆԻ ՎԵՐԱՄՈՒՏԻՆ ԱՌԻԹՈՎ ՎԱՐԺԱՐԱՆԻ ՀԱՄԱԿԱՐԳԻՉԻ ՍԵՆԵԱԿԻՆ ԲԱՑՈՒՄԸ ԿԱՏԱՐՈՒԵՑԱՒ

0
Երկուշաբթի, 3 Սեպտեմբերի առաւօտեան Հալէպի Ազգ. Միացեալ նախակրթարանի վերամուտին զանգը հնչեց:
 
Նախակրթարանի տնօրէնուհի Զեփիւռ Է. Րէիսեան բարի գալուստ մաղթեց աշակերտներուն եւ ուսուցչուհիներուն 2018-2019 ուսումնական տարեշրջանի մեկնարկին առիթով, ապա հրաւիրեց Բերիոյ Հայոց Թեմի Առաջնորդը, Ազգ. Վարչութեան եւ վարժարանի Հոգաբարձութեան ներկայացուցիչները, Սրբազան Հօր ձեռամբ բացումը կատարելու վարժարանի համակարգիչի սենեակին:
 
Համակարգիչները նուիրուած էին Ազգ. Զաւարեան վարժարանի Քալիֆորնիոյ Սանուց Միութեան կողմէ:
 
Սրբազան Հայրը օրհնեց սենեակը եւ բեղուն տարի մաղթեց նախակրթարանի աշակերտութեան:
Share.

Leave A Reply

This site uses Akismet to reduce spam. Learn how your comment data is processed.