ՀԱՅԱՍԷՐ ՓԱՓԱ ՔԻՒՆՑԼԵՐԻՆ ՆՈՒԻՐՈՒԱԾ ՑՈՒՑԱՀԱՆԴԷՍ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

0

Հայոց Ցեղասպանութենէն ետք զուիցերիացի մարդասէրներու շարքին Բաբա Քիւնցլեր կարեւոր դերակատարութիւն ունեցաւ մարդասիրական ծառայութեան ծիրին մէջ, յատկապէս Լիբանանի մէջ: Ցեղասպանութեան 100-ամեակին առիթով Մեծի Տանն Կիլիկիոյ Արամ Ա. կաթողիկոս Փափա Քիւնցլերի գիւղին մէջ (Զուիցերիա) ներկայ եղած էր ի յարգանս անոր համար կազմակերպուած ցուցահանդէսին եւ իր խօսքը ուղղած:

Մեծի Տանն Կիլիկիոյ կաթողիկոսութեան եւ Լիբանանի մէջ Զուիցերիոյ դեսպանատան հետ համատեղ, Փափա Քիւնցլերին նուիրուած յատուկ ցուցահանդէս մը տեղի պիտի ունենայ յառաջիկայ ամիսներուն` Անթիլիասի մայրավանքին մէջ: Ցուցահանդէսին ներկայ պիտի ըլլան մեր համայնքի զաւակներուն առընթեր Զուիցերիայէն պաշտօնական անձնաւորութիւններ:

Յիշեալ ցուցահանդէսին կազմակերպման գծով Երեքշաբթի, 4 Սեպտեմբեր 2018-ին, Ս. Աստուածածին վանքին մէջ, վեհափառ հայրապետին նախագահութեամբ, տեղի ունեցաւ աշխատանքային հանդիպում մը Զուիցերիոյ դեսպանատան ներկայացուցիչներուն եւ նախապատրաստական յանձնախումբի անդամներուն Պետրոս վրդ. Մանուէլեանի, Յովակիմ աբղյ. Բանճարճեանի եւ Պերճ Արապեանի միջեւ: Վերջինս նաեւ անդամ է լիբանանեան եւ զուիցերիական գործարարներու միութեան վարչութեան:

 

 

 

Share.

Leave A Reply

This site uses Akismet to reduce spam. Learn how your comment data is processed.