ՀՅԴ-Ն ՔԱՐՈԶԱՐՇԱՒԻ ՄԵԿՆԱՐԿԸ ԿԱՏԱՐԵՑ ԱՐԱՄ ՄԱՆՈՒԿԵԱՆԻ ԱՐՁԱՆԻՆ ՔՈՎԷՆ

0

Հայ Յեղափոխական Դաշնակցութիւնը Երեւանի աւագանիի արտահերթ ընտրութիւններու քարոզարշաւի մեկնարկը կատարեց Արամ ՄանուկԵանի արձանին քովէն:

Բացման խօսքով հանդէս եկաւ գիւղատնտեսութեան նախարար Արթուր Խաչատրեան: Ան յայտնեց, որ այսօր Դաշնակցութիւնը կը տօնէ է իր հիմնադրումի 128-ամեակը: Այս ընթացքին եղած են ինչպէս ուրախ, պայծառ, այնպէս ալ մութ, արիւնոտ էջեր: «Այս էջը, որ կը բանանք, ճակատագրական, բեկումնային պիտի ըլլայ Հայաստանի ու Արցախի համար: Համատեղ ուժերով պարտաւոր ենք լծուիլ այս ծանր աշխատանքին, որպէսզի Երեւանը դառնայ բոլոր հայերուն հպարտութիւնը, անկախ անկէ՝ երեւանցի ես, թէ կիւմրեցի, մեր բոլոր հայերու հպարտութիւնը, սիրտը Երեւանը պիտի ըլլայ», ըսաւ ան:

Խաչատրեանի խօսքով` Երեւանը շատ հարցեր ունի, իսկ իրենք ունին անոնց լուծումին տարբերակները:

«Ոեւէ մէկուս չի բաւարարեր հանրային փոխադրամիջոցի վիճակը, կանաչ տարածութիւններու սակաւութիւնը, աղտը, որ կը տեսնենք Երեւանի փողոցներուն մէջ: Բողոքելու համար շատ բան պէտք չէ: Լուծումներուն համար պէտք է միտք, կամք եւ ուժ, որ մենք ունինք, ու պատրաստ ենք զանոնք օգտագործել ի շահ Երեւանի», ըսաւ նախարարը:

Ելոյթով հանդէս եկաւ նաեւ Հայ Օգնութեան Միութեան Կեդրոնական Վարչութեան անդամ Ալիսիա Պեճանեան, որ կը գրաւէ ՀՅԴ ցուցակին վրայ 4-րդ տեղը: Ան իր ելոյթին ընթացքին դիտել տուաւ, որ բոլորը պէտք է գործեն «յանուն»ի սկզբունքով` յանուն հայրենիքի, ընդ որում` ՀՅԴ-ն միշտ գործած է այդ սկզբունքով: Յայտնենք, որ Երեւանի աւագանիի ընտրութիւններուն ՀՅԴ-ի կարգախօսն է` «Միասին` յանուն Երեւանի»:

«Երեւանը պէտք է ըլլայ համահայկական մայրաքաղաք, ըլլայ ամէն հայու մայրաքաղաքը: Մենք ունինք փորձ եւ աշխարհասփիւռ մեր կառոյցի միջոցով բազմաթիւ ծրագիրներ իրականացուցած ենք, օրինակ` մեր ջանքերով կրցանք աշխարհի տարբեր կէտերու մէջ գտնել քոյր քաղաքներ Սիսիանի, Կապանի, Վանաձորի, Շուշիի համար: Եւ այդ քոյր քաղաքները աջակցութեան ձեռք մեկնած են մեր քաղաքներուն», ըսաւ Ալեսիա Պեճանեան:

Անոր խօսքով` ՀՅԴ խումբը հաւակնոտ է, ծրագիրը` նոյնպէս: Խումբին մէջ մասնագէտները շատ են, հայրենասէրները` նոյնպէս: «Մենք վստահ ենք, որ պիտի յաջողինք, եւ մեր յաջողութենէն կախուած է երեւանցիին յաջողութիւնը», յայտնեց Պեճանեան:

Դաշնակցութեան ցուցակը գլխաւորող Միքայէլ Մանուկեան իր ելոյթին մէջ անդրադարձաւ, որ քարոզարշաւի մեկնարկին տեղը պատահականօրէն չէ ընտրուած. 1918-ին Արամ Մանուկեանը կրցաւ համախմբել երեւանցիները, մեր ժողովուրդը եւ յաղթանակ տանիլ Սարդարապատի հերոսամարտին մէջ: Այն ատեն Երեւանը տակաւին Հայաստանի մայրաքաղաքը չէր, քանի որ Հայաստանը նոյնիսկ անկախ պետութիւն չէր:

«Մենք Արամի տեսակն ենք` պայքարող տեսակ, միաւորող տեսակ», հաստատեց Մանուկեանը եւ վստահեցուց, որ ՀՅԴ-ն կրնայ համախմբել երեւանցիները:

Ըստ անոր, կը սպասուի դժուար աշխատանք, եւ ամբողջ խումբով երեւանցիներուն պիտի ներկայացնեն իրենց ծրագիրը` Երեւանի տեսլականը:

Դաշնակցութեան թեկնածուն նաեւ տեղեկացուց, որ պիտի ըլլան բոլոր վարչական շրջաններուն, բակերուն եւ թաղերուն մէջ: ՀՅԴ-ն կը ներկայանայ «Միասին` յանուն Երեւանի» կարգախօսով` յանուն ժամանակակից, կանաչ գեղեցիկ, բարեկարգ, խնամուած Երեւանի, յանուն նոր սերունդի, հոգատար ու արդար, մշակութային ու համահայկական մայրաքաղաքի:

Լրագրողներուն հետ զրոյցի մը ընթացքին Միքայէլ Մանուկեան յայտնեց, որ ՀՅԴ ծրագիրը շատ հաւակնոտ է, այն 30 օր շարունակ մշակած են բազմաթիւ արհեստավարժ մասնագէտներ բոլոր ոլորտներէն` կանաչապատում, փոխադրամիջոց, շահեկան(կոմունալ) շինարարութիւն, համայնքային կառավարում եւ այլն: «Չկայ ոլորտ մը, որըներառուած չըլլայ մեր ծրագրին մէջ, եւ քարոզարշաւի ընթացքին պիտի ներկայացուին այդ ոլորտները: Կարեւորը խօսիլը չէ, այլ գործելը, եւ ես վստահ եմ, որ ֆինանսական միջոցներ միշտ կարելի է գտնել` հարցերուն սպառիչ լուծում տալու համար: Կարելի է արդիւնաւէտ համագործակցիլ թէ´ Սփիւռքի կառոյցներու, թէ´ միջազգային կազմակերպութիւններու հետ: Կարեւորը արդիւնաւէտ գործելու կամքն է եւ փափաքը», ըսաւ ան:

Մանուկեանի խօսքով` Երեւանը պէտք է կանաչապատ գօտիներ ունենայ, փոխադրամիջոցի ոլորտին մէջ` միասնական երթուղային ցանց եւ միասնական տոմսային համակարգ:

Պատասխանելով այն հարցումին, թէ ինչպէ՞ս կը գնահատէ ՀՅԴ-ի հաւանականութիւնը, ան ըսաւ. «Մենք մանդատներու մասին չենք խօսիր, մենք կը խօսինք յաղթանակի մասին, մենք վստահ ենք, որ պիտի յաղթենք: Դաշնակցութիւնը նոր չէ, որ պէտք է ներկայանայ երեւանցիին, Դաշնակցութիւնը 128 տարուան պատմութիւն ունի, եւ Դաշնակցութիւնը մէկ վայրկեան անգամ ամչնալու տեղ չունի, նաեւ` վերջին քաղաքական գործընթացներուն հունէն ներս»:

Ինչ կը վերաբերի նախորդ քաղաքապետներու գործունէութեան գնահատումին, Միքայէլ Մանուկեան յայտնեց, որ բոլոր քաղաքապետներն ալ ձգած են իրենց հետքը` եւ´ լաւ, եւ´ վատ իմաստով: Յատկապէս Տարօն Մարգարեանին մասին ան ըսաւ. «Տարօն Մարգարեանը գեղագիտական իմաստով բաւական շատ գործ տարած  է` թէ´ ծաղկապատման, թէ´ նստարաններ տեղադրելու առումով:

?????????????????????????????????????????????????????????

Share.

Leave A Reply

This site uses Akismet to reduce spam. Learn how your comment data is processed.