ՎԱՐՉԱՊԵՏ ՓԱՇԻՆԵԱՆ ՈՍՏԻԿԱՆՈՒԹԵԱՆ ԿԸ ՀՐԱՀԱՆԳԷ ԶԻՆԱԹԱՓԵԼ ՄԵՆԱՇՆՈՐՀԵԱԼՆԵՐԸ

0

Մայրաքաղաքի Դաւթաշէն շրջանին մէջ տեղի ունեցած «Իմ Քայլը» դաշինքի քարոզչական հանրահաւաքին մասնակցած վարչապետ Նիկոլ Փաշինեան իր ելոյթին մէջ անդրադարձաւ Երեքշաբթի, 11 Սեպտեմբերին հրապարակուած Ազգային անվտանգութեան ծառայութեան (ԱԱԾ) եւ Հայաստանի Յատուկ Քննչական Ծառայութեան (ՅՔԾ) ղեկավարներու հեռաձայնային զրոյցի գաղտնալսումներուն, զորս ան որակեց իբրեւ «դաւադրութիւն եւ յանցագործութիւն Հայաստանի Հանրապետութեան պետականութեան նկատմամբ»:

Փաշինեան յանձնարարեց ԱԱԾ-ին ու Ոստիկանութեան՝ «յայտնաբերել դաւադրութիւն կազմակերպողները եւ զանոնք ենթարկել ամենախիստ պատասխանատուութեան»:

Քարոզարշաւի իր ելոյթին մէջ Փաշինեան յայտարարեց նաեւ որ. «Ռոպէրթ Քոչարեան եւ Սերժ Սարգսեան, դուք որոշել էք մարտահրաւէր կարդալ Հայաստանի ժողովուրդին: Ուրեմն տեսէք մարտահրաւէրը: Մենք ունինք Ազգային Անվտանգութեան Ծառայութիւն եւ Ոստիկանութիւն եւ ես կը պահանջեմ երկու ծառայութիւններէն երկու ժամուան ընթացքում կարգ ու կանոն հաստատել ամբողջ հանրապետութեան տարածքին»:

Նոյն հանարահաւաքին ընթացքին Փաշինեան խօսեցաւ Սերժ Սարգսեանի ու Ռոպերթ Քոչարեանի հարստութեան մասին եւ պայման դրաւ անոնց կամաւոր վերադարձնել դրամները: Սաշիկ Սարգսեան, ըստ վարչապետին, դրամատան մէջ ունի 30 միլիոն տոլար: Փաշինեան խորհուրդ տուաւ Սարգիսեանին՝ կամաւորաբար այդ գումարը պիւտճէ փոխանցել:

«Եթէ վարչապետին որեւէ բան պատահի, մենաշնորհեալները եւ իրենց ընտանիքները տուներէն դուրս կը բերուին եւ ինքնադատաստանի կ՛ենթարկուին», հանրահաւաքին ընթացքին յայտարարեց Փաշինեան:

«Անոնք, ըստ երեւոյթի, չեն կրնար ըմբռնել որ ճիշդ է, ես կ՛ապահովեմ իրենց դէպի բանտ ուղղուիլը, ես նաեւ իրենց անվտանգութեան միակ երաշխաւորն եմ, որովհետեւ եթէ ինծի որեւէ բան պատահի, անոնց աւելի վատ բան կրնայ պատահիլ ժողովուրդին նախաձեռնութեամբ», ըսաւ Փաշինեան:

 

Share.

Leave A Reply

This site uses Akismet to reduce spam. Learn how your comment data is processed.