ՄՆԱՑԱԿԱՆԵԱՆ ՄՕՏԻԿ ԱՊԱԳԱՅԻՆ ՊԻՏԻ ՀԱՆԴԻՊԻ ԱՏՐՊԷՅՃԱՆԻ ԻՐ ՊԱՇՏՕՆԱԿԻՑԻՆ

0

ԵՐԵՒԱՆ, «Արմէնփրէս».- Հայաստանի եւ Ատպէյճանի արտաքին գործոց նախարարներ Զօհրապ Մնացականեան եւ Էլմար Մամետիարով օրերս նոր հանդիպում մը պիտի ունենան: Երեքշաբթի, 11 Սեպտեմբերին, մամլոյ ասուլիսի մը ընթացքին Մնացականեան, ակնարկելով այս հանդիպումին՝ հրաժարեցաւ յստակ ժամկէտներ յայտնելէ:

«Ես կը փորձեմ այս ուղղութեամբ յստակ տեղեկութիւններ տալ եւ համաձայնելէ ետք յայտարարութիւններ կատարել: Հանդիպումին մասին մենք կը յայտարարենք Ատրպէյճանի հետ համաձայնաբար, որպէսզի պահպանենք իրարու նկատմամբ յարգանքը», ըսաւ նախարարը:

Ան յիշեցուց, որ հայկական կողմը ներգրաւուած է բանակցային գործընթացին մէջ:

«Մենք արտայայտած ենք մեր հաւատարմութիւնը խաղաղ բանակցութիւններու գործընթացին: Յուլիսին հանդիպում մը տեղի ունեցաւ Պրիւքսէլի մէջ, համաձայնութիւն գոյացաւ շարունակելու գործընթացը, կազմակերպելու յաջորդ հանդիպումը: Այդ հանդիպումը տեղի պիտի ունենայ շատ շուտով: Համաձայնաբար կը խօսինք այդ մասին», յայտնեց Մնացականեան:

 

Share.

Leave A Reply

This site uses Akismet to reduce spam. Learn how your comment data is processed.