ՊԱՐՈՆՈՒՀԻ ՔՈՔՍ ԿԸ ՇԱՐՈՒՆԱԿԷ ՍԱՏԱՐ ԿԱՆԳՆԻԼ ԱՐՑԱԽԻՆ

0

ՍՏԵՓԱՆԱԿԵՐՏ.- Պարոնուհի Քարոլայն Քոքս դարձեալ Արցախ կը գտնուի՝ արտայայտելով իր շարունակական զօրակցութիւնը Արցախի Հանրապետութեան ժողովուրդին եւ պետութեան:

10 Սեպտեմբերին, Արցախի արտաքին գործոց նախարար Մասիս Մայիլեան ընդունեց Մեծն Բրիտանիոյ եւ Հիւսիսային Իրլանտայի Միացեալ Թագաւորութեան Լորտերու պալատի անդամ պարոնուհի Քոքսը եւ անոր գլխաւորած պատուիրակութիւնը:

Նախարարը բարձրօրէն գնահատեց պարոնուհիին ջանքերը՝ Արցախի քաղաքացիներու իրաւունքներուն եւ օրինական շահերուն պաշտպանութեան, Արցախի մասին միջազգային հանրութեան իրազեկութեան բարձրացումին, ինչպէս նաեւ մարդասիրական հարցերու լուծման ուղղութեամբ:

Յիշենք, որ նախորդ օրը՝ 9 Սեպտեմբերին, Արցախի Հանրապետութեան առողջապահութեան նախարար Արայիկ Բաղրեանի հետ, պարոնուհի Քոքս մասնակցած էր իր անունը կրող վերականգնողական կեդրոնի հիմնադրման 20-ամեակին նուիրուած ձեռնարկին:

 

Share.

Leave A Reply

This site uses Akismet to reduce spam. Learn how your comment data is processed.