ՀԱԼԷՊԱՀԱՅ ԱՇԱԿԵՐՏՆԵՐ ԱՌԱՋՆԱԿԱՐԳ ԿԸ ՀԱՆԴԻՍԱՆԱՆ

0

Սուրիոյ Կրթութեան Նախարարութեան ֆրանսերէն բաժինի նախաձեռնութեամբ, 29 Օգոստոս 2018-ին տեղի ունեցաւ Սուրիոյ վարժարաններու աշակերտական տաղանդներու յայտնաբերման «Աշակերտական Նախաձեռնութիւններ» միջվարժարանային գեղարուեստական մրցաշարքին աւարտական փուլը՝ Դամասկոսի մշակութային կեդրոնէն ներս:

Հայ Աւետարանական Բեթէլ վարժարանին անունով ԺԲ. կարգէն մասնակից Ժագ Պօզեագալեան առաջին հանդիսացաւ: Ան մասնակցեցաւ «Tombe la neige» ֆրանսերէն երգին կատարումով եւ մենանուագով:

Ազգ. Քարէն Եփփէ Ճեմարանի երկրորդական բաժինը ներկայացնող աշակերտներ.- Մարիա Չիչեան(մեներգ),Սեսիլ Պազարպաշեան(պար),Նանար Շահինեան(պար), Ժոզէֆ Գալայճեան(պար),Սեւակ Սուլահեան(պար) երրորդ հանդիսացան՝ ներկայացնելով հանրածանօթ երգչուհի Տալիտայի «laissez moi danser» երգն ու պարը: Ծրագիրին հսկողն ու հետեւողն էր Ճեմարանի ֆրանսերէնի դասատու՝ Մարլէն Թիւթիւնճեան-Մելքոնեան, անմիջական օժանդակութեամբ շրջանաւարտ Հայկան Տէկիրմէնճեանի։

Ի սրտէ կը շնորհաւորենք հալէպահայ վարժարաններու աշակերտները։

 

 

Share.

Leave A Reply

This site uses Akismet to reduce spam. Learn how your comment data is processed.