ԹՈՒՐՔԻՈՅ ԸՆԴԴԻՄՈՒԹԵԱՆ ՂԵԿԱՎԱՐ. «ՆԱԽԱԳԱՀ ԱՍԱՏ ՊԱՏԵՐԱԶՄԷՆ ՅԱՂԹԱԿԱՆ ԴՈՒՐՍ ԵԿԱՒ, ԷՐՏՈՂԱՆ ՊԷՏՔ Է ԲԱՆԱԿՑՈՒԹԵԱՆ ՆՍՏԻ ԱՆՈՐ ՀԵՏ»

0

«Տիար» կը հաղորդէ, որ Չորեքշաբթի, 12 Սեպտեմբեր 2018-ին, թրքական Ժողովուրդներու Հանրապետական Կուսակցութեան ղեկավար Քեմալ Քլճտարօղլու կոչ ուղղեց իր երկրի իշխանութիւններուն Սուրիոյ նախագահ Պաշշար ալ Ասատի հետ բանակցելու:

Ուրբաթ, 7 Սեպտեմբեր 2018-ին, Քլճտարօղլու հանդէս եկաւ յայտարարութեամբ եւ անդրադառնալով  Սուրիոյ վերջին իրադարձութիւններուն ըսաւ. «Սուրիոյ տագնապին միակ լուծումը նախագահ Ասատին հետ բանակցութեան սեղանի շուրջ նստիլն է»:

Իտլիպի տագնապին անդրադառնալով Քլճտարօղլու ըսաւ. «Էրտողան  պէտք է Սուրիոյ կառավարութեան հետ բանակցի առանց ժամանակ վատնելու: Նախագահ Ասատ պատերազմէն յաղթական դուրս եկաւ, հետեւաբար անոր հետ բանակցութիւնը ի նպաստ Թուրքիոյ պիտի ըլլայ»:

 «Մենք, որպէս գետնի վրայ տեղի ունեցած իրադարձութիւններուն հետեւող ընդդիմադիր կուսակցութիւն, քաջ գիտենք, որ Էրտողան ինք անձամբ թրքական-սուրիական սահմանէն աւելի քան 300.000 հաւատադրժողական ահաբեկիչներ ուղարկեց Սուրիա: Թրքական յայտնի թերթերէն մէկուն մէջ լոյս տեսած յօդուածի մը մէջ յիշուեցաւ, որ Էրտողան աւելի քան 300.000 հաւատադրժողական ահաբեկիչ ուղարկած է Սուրիա, մինչ Քաթար «Ճապհաթ ալ Նուսրա» զինեալ ահաբեկչական խմբաւորման պատկանող 90.000 ահաբեկիչ ղրկած է Սուրիա՝ նոյն ճամբով: Թուրքիա դիւրացուց նաեւ ՏԱՀԵՇ զինեալ ահաբեկչական խմբաւորման թափանցումը Իրաք եւ Սուրիա ու պատճառ հանդիսացաւ Սուրիոյ քանդումին ու հարիւր հազարաւորներու սպանութեան»:

 

Share.

Leave A Reply

This site uses Akismet to reduce spam. Learn how your comment data is processed.