ԱՄԵՐԻԿԱՑԻ ՔՈՆԿՐԷՍԱԿԱՆ. «ՄԵՆՔ ՊԷՏՔ Է ՃԱՆՉՆԱՆՔ ՀԱՅՈՑ ՑԵՂԱՍՊԱՆՈՒԹԻՒՆԸ»

0

Միացեալ Նահանգներու Հայ Դատի Յանձնախումբը Թուիթըրի իր էջին միջոցաւ կը տեղեկացնէ, որ Միացեալ Նահանգներու Քոնկրէսի Ներկայացուցիչներու պալատի անդամ Թէտ Փօ Քոնկրէսի նիստին ընթացքին դիմած է ամերիկեան իշխանութիւններուն՝ կոչ ուղղելով ճանչնալու Հայոց Ցեղասպանութիւնը:
«Օսմանեան Կայսրութիւնն ու այժմու թրքական պետութիւնը միշտ ալ հերքած են այն վայրագութիւնները, զորս կատարուած են հայ ժողովուրդին նկատմամբ: Մեր կառավարութիւնը շատ երկար ժամանակ «խաղցած» է Թուրքիոյ հետ: Մենք առիթ տուած ենք, որ քաղաքականութեան պատճառով աչք փակենք օսմանեան թուրքերու կողմէն 1,5 միլիոն հայերու սպանութեան: Մենք պէտք է ընդունինք այդ սոսկալի յանցագործութիւնը», յայտարարած է Թէտ Փօն:

Իր ելոյթին ընթացքին ամերիկացի քոնկրէսականը նաեւ յայտնած է, որ երկրի իշխանութիւնները պէտք է ճնշում բանեցնեն, որ թրքական կողմը ընդունի իր յանցանքը:

Share.

Leave A Reply

This site uses Akismet to reduce spam. Learn how your comment data is processed.