ՄԱՀԱՑԱԾ Է ՎԱՍՏԱԿԱՇԱՏ ՔԱՆԴԱԿԱԳՈՐԾ ԶԱՒԷՆ ԽՏԸՇԵԱՆ

0

«Ազդակ» կը տեղեկացնէ, որ Երէկ իր մահկանացուն կնքած է լիբանանահայ բազմավաստակ քանդակագործ Զաւէն Խտըշեան:

Զաւէն Խտըշեան ծնած է Պէյրութ: Նախնական կրթութիւնը ստացած է Ազգային Սահակեան վարժարանին մէջ, իսկ երկրորդական կրթութիւնը` Համազգայինի Ն. Փալանճեան ճեմարանին մէջ:

1952-ին յաճախած է ԱԼՊԱ գեղարուեստի դպրոցը: Սկսած է գեղանկարչութեամբ, սակայն շուտով անդրադարձած է, որ պէտք է քանդակագործութեամբ զբաղի եւ այդպէս ալ ըրած է, մինչեւ տարի մը առաջ:

1954-ին Կրթութեան Նախարարութենէն ստացած է կրթանպաստ ու մեկնած Փարիզ` ուսումը կատարելագործելու համար Փարիզի «Աքատեմի տէ Պոզար»ի մէջ, մասնագիտանալով դիմաքանդակի ու կոթողական արուեստի մէջ: 1958-ին վերադարձած է Լիբանան եւ սկսած է դասաւանդել ԱԼՊԱ-ի մէջ, իսկ 1965-էն սկսեալ Լիբանանեան գեղարուեստի համալսարանին, քանդակագործութեան բաժինին եւ ճարտարապետութեան ճիւղին, աւելի ուշ` Քասլիքի համալսարանին մէջ:

Փարիզ կեցութեան ընթացքին «Նոր սերունդ»ի մէջ ունեցած է ազգային գործունէութիւն:
Շահած է Ա. եւ Բ. մրցանակներ:

Հեղինակն է Պիքֆայայի Ապրիլեան եղեռնի յուշարձանին, ինչպէս նաեւ Ս. Շարպելի արձանին` Անայա, վանքին մուտքին, Ժըպրան Խալիլ Ժըպրանի կիսանդրիին` Ռիատ Սոլհ հրապարակի պարտէզին մէջ, Ս. Վրացեանի կիսանդրիին` Ն. Փալանճեան ճեմարանի պարտէզը, Զարեհ Ա. վեհափառ հայրապետի քանդակին` Հալէպի մէջ: Արժանացած է Համազգայինի շքանշանին` Համազգայինի Կեդրոնական Վարչութեան կողմէ:
Ունեցած է բազմաթիւ անհատական ցուցահանդէսներ եւ միշտ իր մասնակցութիւնը բերած է հաւաքական ցուցահանդէսներու:

Share.

Leave A Reply

This site uses Akismet to reduce spam. Learn how your comment data is processed.