ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ԳԻՒՂԱՏՆՏԵՍՈՒԹԵԱՆ ՆԱԽԱՐԱՐ ԱՐԹՈՒՐ ԽԱՉԱՏՐԵԱՆ ԱՅՑԵԼԱԾ Է ՎՐԱՍՏԱՆ

0

Հայաստանի Հանրապետութեան գիւղատնտեսութեան նախարար Արթուր Խաչատրեան եւ փոխնախարար Արտակ Քամալեան 18-19 Սեպտեմբերին աշխատանքային այցելութեամբ կը գտնուէին Վրաստանի Հանրապետութիւն։

 

Այցեութեան  առաջին օրը նախարար Արթուր Խաչատրեան առանձնազրոյց ունեցած է Վրաստանի շրջակայ միջավայրի եւ գիւղատնտեսութեան նախարար Լեւան Դաւիթաշվիլիի հետ,  այնուհետեւ յաջորդած է ընդլայնուած կազմով երկու երկիրներու պատուիրակութիւններու հանդիպումը, որուն մասնակցած են ՀՀ գիւղատնտեսութեան նախարարի տեղակալ Արտակ Քամալեան, Վրաստանի շրջակայ միջավայրի պահպանութեան եւ գիւղատնտեսութեան փոխնախարար Կիորկի Խանիշվիլի, Արդարադատութեան Նախարարութեան ներկայացուցիչներ։

 

Կողմերը քննարկած են Հայաստանի եւ Վրաստանի միջեւ գիւղատնտեսութեան ոլորտի մէջ երկկողմանի համագործակցութեան հարցերու լայն շրջանակ։ Լեւան Դաւիթաշվիլի ներկայացուցած է Վրաստանի մէջ գիւղատնտեսութեան ոլորտի զարգացման պետական օժանդակութեան ծրագիրները:

 

«Ասիկա իմ առաջին այցելութիւնն է Վրաստանի Հանրապետութիւն` որպէս նախարար եւ պէտք է ըսեմ, որ հողագործային ոլորտի մէջ զգալի առաջընթաց կայ: Մեծ հետաքրքրութեամբ ծանօթացած եմ նորութիւններուն եւ յոյս ունիմ, որ մեր արդիւնաւէտ համագործակցութիւնը կ’ըլլայ շարունակական», ըսած է Արթուր Խաչատրեանը «Փալիթռա Նիւզ» հեռուստաընկերութեան տուած հարցազրոյցին:

 

Այցելութեան շրջագիծին մէջ հայկական պատուիրակութիւնը այցելած է նաեւ Ջիքարայի բազմամեայ մշակաբոյսերու ուսումնահետազօտական կեդրոն, ինչպէս նաեւ Ծիլկանի գտնուող Իվանէ Սարիշվիլու անուան Վերլուծական հետազօտութիւններու տարրալուծարան, հետեւած խաղողի բերքահաւաքին, ծանօթացած վրացական խաղողի տեսակներուն՝ համտեսելով անուշաբոյր վրացական գինի։

Share.

Leave A Reply

This site uses Akismet to reduce spam. Learn how your comment data is processed.