ՀԱՅԱՍՏԱՆԻ ԵՒ ԹՈՒՆՈՒԶԻ ԱՐՏԱՔԻՆ ԳՈՐԾՈՑ ՆԱԽԱՐԱՐՆԵՐԸ ՔՆՆԱՐԿԱԾ ԵՆ ԵՐԿԿՈՂՄԱՆԻ ԵՒ ԲԱԶՄԱԿՈՂՄԱՆԻ ՕՐԱԿԱՐԳԻ ՇԱՐՔ ՄԸ ՀԱՐՑԵՐ

0

24 Սեպտեմբերին Հայաստանի արտաքին գործոց նախարար Զոհրապ Մնացականեան, ով Նիւ Եորք կը գտնուի ՄԱԿ-ի Գլխաւոր ասամպլեայի 73-րդ նստաշրջանին մասնակցելու նպատակով ՀՀ վարչապետի գլխաւորած պաշտօնական պատուիրակութեան կազմին մէջ, հանդիպում ունեցած է Թունուզի արտաքին գործոց նախարար Խեմայիս Ճհինավիի հետ:
Հանդիպումին արտաքին գործոց նախարարները անդրադարձ կատարած են երկկողմանի եւ բազմակողմանի օրակարգի շարք մը հարցերուն:
Զրուցակիցները ընդգծած են երկկողմանի պատրաստակամութիւնը՝ միատեղ գործնական քայլեր ձեռնարկելու քաղաքական երկխօսութեան աշխուժացման համար առկայ մեծ ներուժը հնարաւորինս օգտագործելու ուղղութեամբ, այդ շարքին՝ արտաքին քաղաքական գերատեսչութիւններու միջեւ պարբերական քաղաքական խորհրդակցութիւններու կազմակերպման միջոցով:
Հայաստանի եւ Թունուզի արտաքին գոործոց նախարարները մանրամասն զրոյց ծաւալած են Երեւանի մէջ տեղի ունենալիք Ֆրանսախօս Երկիրներու 17-րդ վեհաժողովի նախապատրաստական աշխատանքներուն, նախատեսուող ձեռնարկներուն, օրակարգին եւ մասնակիցներուն հաւանութեան ներկայացուելիք փաստաթուղթերուն շուրջ: Նախարար Մնացականեան զրուցակիցին ներկայացուցած է Ֆրանսախօս Երկիրներու Միջազգային Կազմակերպութեան մէջ Հայաստանի նախագահութեան առաջնահերթութիւնները՝ որպէս գերակայ ուղղութիւն ընդգծելով սմարթ զարգացման եւ թուային օրակարգի յառաջմղումը:
Անդրադարձ կատարելով ղարաբաղեան հիմնահարցի լուծումին՝ նախարար Մնացականեան վերահաստատած է Հայաստանի յանձնառութիւնը ԵԱՀԿ Մինսքի խմբակիի համանախագահութեան հովանիին ներքեւ հակամարտութեան բացառապէս խաղաղ հանգուցալուծման: Այս շրջանակէն ներս Հայաստանի արտաքին գործոց նախարարը նաեւ յայտնած է, որ ղարաբաղեան հիմնահարցի շուրջ քննարկումները այլ հարթակներ տեղափոխելու փորձերը կը վնասեն տարածաշրջանի կայունութեան ու խաղաղութեան հաստատումին ուղղուած միջազգային հանրութեան ջանքերուն:

Share.

Leave A Reply

This site uses Akismet to reduce spam. Learn how your comment data is processed.